وقفة مع النفس ـ الحلقة الثالثة ـ

السلام عليكم ورحمته وبركاته

الموضوع اهداء لأستاذ ساجي

صاحب مدونة

http://frakeghost.blogspot.com/

لأنه أستاذ قدير وأنا اتعلمت منه

حاجات كتيرة

في فضل الدعاء وقدرته علي رفع الهم والبلاء

بسم الله الرحمن الرحيم
( يَا أَيُّهَا النَّاسُ أَنْتُمُ الْفُقَرَاءُ إِلَى اللَّهِ وَاللَّهُ هُوَ الْغَنِيُّ الْحَمِيدُ).
اللهم يا سامع كل شكوى، ويا شاهد كل بلوى، يا عالم كل خفية،

و يا كاشف كل بلية،يا من يملك حوائج السائلين، ويعلم ضمائر الصامتين

ندعوك دعاء من أشتدت فاقته، وضعفت قوته، وقلت حيلته

دعاء الغرباء المضطرين الذين لا يجدون لكشف ما هم فيه إلا أنت.

يا خالق الأكوان أنت المرتجى...... وإليك وحدك ترتقي صلواتي
يا خالقي ماذا أقول وأنت تعلمـني ..... وتعلم حاجتي وشكاتــي
يا خالقي ماذا أقول وأنت........... مطلع على شكواي والأناتي

إذا وقعت المصيبة وحلت النكبة وجثمت الكارثة ، نادى المصاب المنكوب : يا الله.
إذا أوصدت الأبواب أمام الطلاب ، وأسدلت الستور في وجوه السائلين ،

صاحوا : يا الله.
إذا بارت الحيل وضاقت السبل وانتهت الآمال وتقطعت الحبال ،

نادوا : يا الله.
إذا ضاقت عليك الأرض بما رحبت وضاقت عليك نفسك بما حملت ،

فاهتف : يا الله.

لماذا لا نشكوُ إلى اللهِ أمرنا وهو القائل:

(ادْعُونِي أَسْتَجِبْ لَكُمْ ).
لماذا لا نرفعُ أكفَ الضراعة إلى الله وهو القائل:

( فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ ).
لماذا ضُعفُ الصلةِ بالله، وقلةُ الاعتمادِ على الله، وهو القائل:

( قُلْ مَا يَعْبَأُ بِكُمْ رَبِّي لَوْلا دُعَاؤُكُمْ ).
أين الإيمان بالله ؟ أين التوكلُ على الله ؟ أين الثقةُ و اليقينُ بالله ؟

أين نحن من الشكوى لله، أين نحن من الإلحاح والتضرعِ لله؟
سبحان الله، ألسنا بحاجةٍ إلى ربنا؟
أنعتمدُ على قوتنا وحولِنا، والله ثم واللهِ لا حول لنا ولا قوةَ إلا بالله.
واللهِ لا شفاء إلا بيد الله، ولا كاشفَ للبلوى إلا الله، لا توفيق ولا فلاح ولا سعادةَ

ولا نجاح إلا من الله. إذا استعنت فأستعن بالله، وإذا سألت فأسأل الله،

وقل يا سامعاً لكل شكوى.

توكل على الله وحده، وأعلن بصدقٍ أنك عبده واسجد لله بخشوع، وردد بصوتٍ مسموع

يا سامعاً لكلِ شكوى
أنت الملاذُ إذا ما أزمةٌ شملت........وأنت ملجأُ من ضاقت بهِ الحيلُ
أنتَ المنادى به في كلِ حادثِةٍ.......أنت الإلهُ وأنت الذخرُ والأملُ
أنت الرجاءُ لمن سُدت مذاهبهُ......أنت الدليلُ لمن ضلت بهِ السبلُ
إنا قصدناك والآمال واقعةٌ.........عليكَ والكلُ ملهوفُ ومبتهلُ
لماذا طرقتم الأبواب كلها ونسيتم باب من يستحي من عبده إذا رفع يديه

إليه أن يردهما صفرا خائبتين؟
قال السري السبطي: كن مثل الصبي إذا اشتهى على أبويه شهوة فلم يمكناه قعد يبكي عليهما،

فكن أنت مثله إذا سألت ربك ولم يعطك، فأقعد وأبكي عليه.

ولرب نازلة يضيق بها الفتى............... ذرعا وعند الله منها مخرج
كملت فلما استحكمت حلقاتها.......... فرجت وكان يظنها لا تفرج

إن الأنبياء والرسلَ، وهم خيرُ الخلق، وأحبُ الناسَ إلى الله، نزل بهم البلاء

واشتدَ بهم الكرب، فماذا فعلوا وإلى من لجئوا.
إنه التضرعُ والدعاء، والافتقارُ لربِ الأرضِ والسماء، إنها الشكايةُ لله وحُسنُ الصلةِ بالله.
إذا لماذا استجاب الله دعاه؟
لأنهم كانوا يسارعون في الخيرات، وكانوا لا يملون الدعاء، بل كان القلب متصل متعلق بالله

هذا هو طريق الاستعلاء أن تنظرَ إلى السماء، وأن نلحُ بالدعاء،

لأن الشكوى إلى الله تشعرك بالقوةِ والسعادة، وأنك تأوي إلى ركنٍ شديد.
( قُلْ مَنْ يُنَجِّيكُمْ مِنْ ظُلُمَاتِ الْبَرِّ وَالْبَحْرِ تَدْعُونَهُ تَضَرُّعاً وَخُفْيَةً لَئِنْ أَنْجَانَا مِنْ

هَذِهِ لَنَكُونَنَّ مِنَ الشَّاكِرِين َ* قُلِ اللَّهُ يُنَجِّيكُمْ مِنْهَا وَمِنْ كُلِّ كَرْبٍ ثُمَّ أَنْتُمْ تُشْرِكُونَ).

ومن الأدعية في المصيبة والكرب والشدة والضيق

من حديث ابن عباس رضي الله تعالى عنهما أن رسول الله (صلى الله عليه وآله وسلم)كان يقول عند الكرب:
لا إله إلا الله العظيم الحليم، لا إله إلا الله رب العرش العظيم،

لا إله إلا الله رب السماوات ورب الأرض رب العرش الكريم.

ومن دعوات المكروب، اللهم رحمتك أرجو فلا تكلني إلى نفسي طرفت عين

وأصلح لي شأني كله لا إله إلا أنت.

دعوة ذي النون إذ دعا وهو في بطن الحوت لا إله إلا أنت سبحانك إني كنت من الظالمين،

فإنه لم يدعو بها رجل مسلم في شيء قط إلا استجاب الله له.

لما قالها يونس عليه السلام وهو في بطن الحوت، قال الله عز وجل:

(فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ)،

قال ابن كثير في تفسيره: (وَكَذَلِكَ نُنْجِي الْمُؤْمِنِينَ)، أي إذا كانوا في الشدائد ودعونا مؤمنين بنا،

ولا سيما إذا دعوا في هذا الدعاء في حال البلاء، فقد جاء الترغيب بها عن سيد الأنبياء.

إن النفس مهما بلغت من الكمال والذكاء فإنها ضعيفة وهي عرضة للغفلة والنسيان،

نعم لنفعل الأسباب ولنحفظ ولنذاكر ولنجتهد ولكن كلها لا شيء إن لم يعينك الله ويفتح عليك،

فلا حول ولا قوة إلا بالله في كل شيء، فهل طلبت العون من الله، توكل على الله، وافعل الأسباب،

وارفع يديك إلى السماء وقل:

يا سامعا لكل شكوى، وأظهر ضعفك وفقرك لله وسترى النتائج بأذن الله.

(أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ)
هكذا فلتكن الثقة بالله والتوكل على الله.

هذا نوحٌ عليه السلام يشكو أمرَه إلى الله ويلجأُ لمولاه:
قال تعالى:

(وَلَقَدْ نَادَانَا نُوحٌ فَلَنِعْمَ الْمُجِيبُونَ * وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ).
كانتِ المناداة، كانتِ المناجاة، فكانتِ الإجابةُ من الرحمن الرحيم.
وقال تعالى:

( وَنُوحاً إِذْ نَادَى مِنْ قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ).
وقال عز من قائل:

(فَدَعَا رَبَّهُ أَنِّي مَغْلُوبٌ فَانْتَصِرْ * فَفَتَحْنَا أَبْوَابَ السَّمَاءِ بِمَاءٍ مُنْهَمِرٍ).

هذا يونسُ عليه السلام، رفع الشكاية لله فلم ينادي ولم يناجي إلا الله قال تعالى:
( وَذَا النُّونِ إِذْ ذَهَبَ مُغَاضِباً فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ

أَنْ لا إِلَهَ إِلا أَنْتَ سُبْحَانَكَ إِنِّي كُنْتُ مِنَ الظَّالِمِينَ).

فماذا كانتَ النتيجة ؟
(فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ).

وهذا يوسف عليه السلام ابتلاه الله بكيد النساء، فلجأ إلى الله، وشكى إليه ودعاه فقال:
( وَإِلا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ)،

إنه التضرع والدعاء،والافتقار لرب الأرض والسماء، إنها الشكاية لله،

وحسن الصلة بالله.
(فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ).

إنها آياتُ بينات وبراهينُ واضحات، تقول بل وتعلن أن من توكلَ واعتمد على الله،

وأحسن الصلة بمولاه استجاب الله دعاه، وحفظه ورعاه،

فإن لم يكن ذلك في الدنيا كان في الآخرة: ( وَمَا عِنْدَ اللَّهِ خَيْرٌ وَأَبْقَى أَفَلا تَعْقِلُونَ).
أنها صفحاتٌ من الابتلاء والصبر معروضةٌ للبشرية، لتسجل أن لا اعتماد إلا على الله،

وان لا فارجَ للهمِ ولا كاشفَ للبلوى إلا الله.

إن من أصول التوحيد أن تتعلق القلوبُ بخالقها في وقت الشدةِ والرخاء

والخوفِ والأمن، والمرضِ والصحة، وفي كل حالٍ وزمان.
فهناك امور مظلمة تورد علي القلب سحائب متراكمات مظلمة , فأذا فر الي ربه ,

وسلم امره اليه , والقي نفسه بين يديه من غير شركه احد من الخلق , كشف عنه ذلك .,

فاما من قال ذلك بقلب غافل لاه فهيهات .

- عن عبدالله بن جعفر أن النبي صلى الله عليه وسلم أردفه خلفه فقال يا فتى ألا أهب لك

ألا أعلمك كلمات ينفعك الله بهن احفظ الله يحفظك احفظ الله تجده أمامك وإذا سألت فاسأل الله

وإذا استعنت فاستعن بالله وأعلم أنه قد جف القلم بما هو كائن واعلم بأن الخلائق لو أرادوك بشيء

لم يردك الله به لم يقدروا عليه واعلم أن النصر مع الصبر وان الفرج مع الكرب وأن مع العسر يسر

واعلم انه اذا صمد الرجل بفكرة نحو خالقه , علم انه لم يمتحنه الا بما يوجب له مثوبه

او يمحص عنه كبيرة , وهو مع هذا من الله في ارباح متصله وفوائد متتابعة .
فالقضاء ينفذ لا محالة علي القابل له والرافض له , ولكن ذاك يؤجر ويسعد وهذا يأثم ويشقي .
فلذلك اعلم ان عليك واجبا مقدسا , وهو الانقياد والتسليم اذا داهمك المقدور

لتكون النتيجة في صالحك والعاقبة لك لأنك بهذا تنجو من كارثة الاحباط العاجل

والافلاس الآجل

كم مرة حفت بك المكاره خار لك الله وانت كاره
أذا يسر الله الامور تيسرت ولانت قواها واستقاد عسيرها
فكم من طامع في حاجة لاينالها وكم آيس منها اتاه بشيرها
وقد تغدر الدنيا فيمس غنيها فقيرا ويغني بعد بؤس فقيرها
وكم قد راينا من تكدر عيشه واخري صفا بعد انكدار غديرها

فاستعن بالله علي المصائب وانتظر منه الفرج .
فعسي فرج يكون عسي نعلل انفسنا بعسي
فلاتقنط و ان لاقيت هما يقبض النفسا
فاقرب ما يكون المرء من فرج اذا يئسا

واعلم ان لاهل السنه عند المصائب ثلاثة فنون :

الصبر, الدعاء ,انتظار الفرج

” وفي السماء رزقكم وما توعدون“

الدعاء له أداب وشروط

الدعاء من أقوي الاسباب في دفع المكروه وحصول المطلوب
قال رسول الله (صلي الله عليه وسلم):
ادعوا الله تعالى وأنتم موقنون بالإجابة واعلموا أن الله لا يستجيب دعاء

من قلب غافل لاه

قال رسول الله (صلي الله عليه وسلم)

” ان الله حيي كريم يستحي اذا رفع الرجل يديه ان يردهما صفرا خائبتين ”

عن ابي هريرة عن النبي (صلي الله عليه وسلم)

” قال : ان من لم يسأل الله يغضب عليه ”

رأي احد العلماء رجل يتردد عي أحد الملوك فقال له : يا هذا اتذهب الي

من يسد دونك بابه ويظهر لك ففره ويخفي عنك غناه وتترك من يفتح لك بابه

ويظهر لك غناه ويقول: ” ادعوني استجب لكم ”

لا تسألن بني آدم حاجة وسل الذي ابوابه لا تحجب
الله يغضب ان تركت سؤاله واذا سألت بني آدم يغضب

- قال ابن القيم رحمه الله قال: وإذا جمع العبد مع الدعاء حضور القلب

وصادف وقتا من أوقات الإجابة وخشوعا في القلب وانكسارا بين يدي الرب وذلا له

وتضرعا ورقة واستقبل الداعي القبلة وكان على طهارة ورفع يديه إلى الله،

وبدأ بحمد الله والثناء عليه، ثم ثنى بالصلاة على رسول الله،

ثم قدم بين يدي حاجته التوبة والاستغفار ثم دخل على الله

وألح عليه في المسألة وتملقه ودعاه رغبة ورهبة وتوسل إليه

بأسمائه وصفاته وتوحيده،وقدم بين يدي دعائه صدقة فإن هذا الدعاء لا يكاد يرد أبدا،

ولا سيما إذا صادف الأدعية التي أخبر النبي (صلى الله عليه وآله وسلم) أنها مظنة الإجابة،

وأنها متضمنة للإسم الأعظم.

- عليك بالصبر وإياك واليأس والقنوط
- اعلم انه ربما كان عدم الإجابة أو تأخيرها امتحان لصبرك وتحملك وجلدك:

وهل تستمر في الدعاء وفي هذه العبادة، أم تستحسر وتمل وتترك الدعاء

ففي الحديث عن أبي هريرة رضي الله عنه أن رسول الله (صلى الله عليه وآله وسلم) قال:

يستجاب لأحكم ما لم يعجل يقول قد دعوت ربي فلم يستجب لي.
وفي رواية لمسلم قيل: يا رسول الله ماالاستعجال؟

قال يقول قد دعوت وقد دعوت فلم يستجاب لي، فيستحسر عند ذلك ويدع الدعاء.
تعرف إلى الله في الرخاء يعرفك في الشدة

- ان الإيمان بالقضاء والقدر ركن من أركان الإيمان بالله تعالى:

وفيه اطمئنان للنفس وراحة للقلب، فأعلم أن ما أصابك لم يكن ليخطئك،

وأن ما أخطئك لم يكن ليصيبك، وتذكر دائما أن كل شيء بقضاء وقدر، وأنه من عند الله.
- أحرص على أكل الحلال فهو شرط من شروط إجابة الدعاء
حتى تكون مجاب للدعوة إن شاء الله أكثر من الاستغفار في الليل والنهار:
فلو لم يكن فيه إلا قول الحق عز وجل:

(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً *

وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً)
- يجب ان تلقي باللوم على نفسك
وهي من أهم الاسباب، فقد يكون سبب عدم الإجابة وقوعك أنت في بعض المعاصي،

أو التقصير وإخلالك بالدعاء أو تعديك فيه، فمن أعظم الأمور أن تتهم نفسك

وتنسب التقصير وعدم الإجابة لنفسك، فهذا من أعظم الذل والافتقار لله.

ولو لم يكن في المصائب والبلايا إلا أنها سبب لتكفير الذنوب، وكسر لجماح النفس وغرورها،

ونيل للثواب بالصبر عليها وتذكير بالعمة التي غفل عن شكرها.

وهي تذكر العبد بذنوبه، فربما تاب وأقلع عنها. وهي بل من أعظم ثمار المصيبة

أن يتوجه العبد بقلبه إلى الله، ويقف بابه ويتضرع إليه، فسبحان مستخرج الدعاء بالبلاء.

فالبلاء يقطع قلب المؤمن عن الالتفات للمخلوقين ويوجب له الإقبال على الخالق وحده،

وهذا هو الإخلاص والتوحيد.

فإذا علم العبد أن هذه من ثمار المصيبة أنس بها وارتاح ولم ينزعج، ولم يقنط،

فإلى ذوي المصائب والحاجات والشدائد والكربات إن منهج القرآن يقول:
( وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ).
بل اسمعوا إلى هذه الآية العجيبة ففيها عزاء وتطمين لكل المسلمين قال تعالى:
( فَعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً).
فقلت للفكر لما صار مضطربا.......
وخانني الصبر والتفريط والجلد
دعها سماوية تمشي على قدر........
لا تعترضها بأمر منك تـنفسد
فحفني بخفي اللطف خالقنا........
نعم الوكيل ونعم العون والمدد

فلماذا التسخط والجزع والشكوى والأنين فلعل في ما حصل خيرا لك فتفاءل وأبشر،

واعتمد على الله وارفع يديك إلى السماء وقل:

يا سامعا لكل شكوى. واحسن الظن بالله وقل:
صبرا جميلا ما أسرع الفرج
من صدق الله في الأمور نجى
من خشي الله لم ينله أذى
من رجا الله كان حيث رجا
إذا اشتملت على اليأس القلوب......وضاقت لما به الصدر الرحيب
و أوطنت المكاره واطمأنت..........وأرست في أماكنها الخطوب
ولم ترى لانكشاف الضر وجها.....ولا أغني بحيلته الأريب
أتاك على قنوط منك غوث........ يجيء به القريب المستجيب
وكل الحادثات إذا تناهت......... فموصول بها الفرج القريب
يا سامعا لكل شكوى، ويا عالم كل نجوى.
يا سابغ النعم، ويا دفع النقم، ويا فارج الغمم، ويا كاشف الظلل،

ويا أعدل من حكم، ويا حسيب من ظلم، ويا ولي من ظُلم.
يا من لا تراه العيون، ولا تخالطه الظنون، ولا يصفه الواصفون،

ولا تغيره الحوادث ولا الدهور، يعلم مثاقيل الجبال، ومكاييل البحار،

وعدد قطر الأمطار،وعدد ورق الأشجار، وعدد ما يظلم عليه الليل

ويشرق عليه النهار. كم من نعمة أنعمت بها علينا قل لك عندها شكرنا،

وكم من بلية ابتليتنا بها قل عندها صبرنا،فيا من قل عند نعمته شكرنا فلم يحرمنا،

ويا من قل عند بلائه صبرنا فلم يخذلنا أقذف في قلوبنا رجائك،

اللهم اقذف في قلوبنا رجائك،اللهم اقذف في قلوبنا رجائك حتى لا نرجو أحدا غيرك.
اللهم إنا نسألك إيمانا ثابتا، ويقينا صادقا حتى نعلم أنه لن يصيبنا إلا ما كتبت لنا،

اللهم لا نهلك وأنت رجائنا، اللهم لا نهلك وأنت رجائنا احرسنا بعينك التي لا تنام

وبركنك الذي لا يرام.

يا سامعا لكل شكوى، ويا عالما بكل نجوى،

يا كاشف كربتنا، ويا مستمع دعوتنا، ويا راحم عبرتنا، ويا مقيل عثرتنا.

يا رب البيت العتيق أكشف عنا وعن المسلمين كل شدة وضيق،

واكفنا والمسلمين ما نطيق وما لا نطيق، اللهم فرج عنا وعن المسلمين كل هم غم،

وأخرجنا والمسلمين من كل حزن وكرب.
يا فارج الهم، يا كاشف الغم، يا منزل القطر، يا مجيب دعوت المضطر،

يا سامعا لكل نجوى احفظ إيمان وأمن بلادنا، ووفق ولاة الأمر لما فيه صلاح الإسلام والعباد.
يا كاشف كل ضر وبلية، ويا عالم كل سر وخفية نسألك فرجا قريبا للمسلمين،

وصبرا جميلا للمستضعفين، يا ذا المعروف الذي لا ينقضي أبدا، ويا ذا النعم التي لا تحصى أبدا،

أسألك أن تصلي على محمد وعلى آلي محمد أبدا.

اللهم صلي وسلم وبارك على نبينا محمد وعلى آله وصحبه أجمعين.
سبحانك اللهم وبحمدك نشهد أن لا إله إلا أنت نستغفرك ونتوب إليك.
والسلام عليكم ورحمته وبركاته

دعواتي

هايدي

وقفة مع النفس ـ الحلقة الثانية ـ

السلام عليكم ورحمته وبركاته
بسم الله الرحمن الرحيم والصلاة والسلام علي أشرف المرسلين
النبي الأمي الصادق الوعد الأمين
بادئ ذي بدئ (اللهم إنا نبرأ إليك مما كتب هذا... وما
قاله ولا حول ولا قوة إلا بك سبحانك وتعالي)

رداً علي أحدهم
أعلم أنني لست أهلاً للرد باعتبار ذلك مردود لرجل دين
ولكن أسال الله تعالي أن يلهمني الرد كمسلمة تزود عن دينها
وعقيدة التوحيد لله سبحانة وتعالي
لن أناقشك في موقفك لأن (كل نفس بما كسبت رهينة)
ولكن قل لي...من المنظور العلمي أو العقلي
ما من نظرية إلا ولها لحظة ولادة
وما من اختراع إلا كان وليد فكرة
أليس هذا هو الفكر العقلاني؟!
حسناً كيف يفسر الفكر العقلاني وجود الحياة ؟
السماء من أوجدها؟الأرض؟ الكون؟
الكواكب...... لم تردون وجودها للاشئ؟
أليس في ذلك تناقض كبير؟
ينسبون النظريات والإبتكارات لأسماء..وشخوص
ويوافقون علي ذلك...بل ويهللون له ويأبون في ذات الوقت
أن ينسبون الكون بما فيه وما هو له لصاحبه وخالقه...؟؟؟
إن في ذلك لعجب العجاب .. ينكرون وجود الواحد الأحد
الفرد الصمد ... وبالطبع ينكرون معه فكرة البعث ...بعد
الموت... طيب إن كان ليس هناك بعث...ففي الحياة التي نحياها
الآن هناك الظالم والمظلوم والقاتل والمقتول والجاني والمجني عليه
ستقول هناك قوانين وضعية تنظم هذة العلاقات وتحاسب كل إنسان
بما جني...طيب وما قولك فيمن يفر من عقاب هذة القوانين...من
يرتكب جرائمه ولا تثبت عليه تهمة
عندما يموت كلاهما... القاتل والمقتول..الظالم والمظلوم .. دون
عقاب ودون بعث وحساب في الأخرة
لو نظرنا سنجد القاتل أو السارق أو الظالم سيستوي مع من
قتله أو سرقه أو ظلمه.. بل هو أحسن منه حالاً..لأنه طغي
في الدنيا واستفحل في أمره وذهب دون عقاب
أليس في ذلك غبن وظلم كبير؟؟؟
أليس في ذلك ما يأباه العقل؟؟
(أفنجعل المسلمين كالمجرمين ما لكم كيف تحكمون)
الروح؟؟ (يسألونك عن الروح قل الروح من أمر ربي) لا
أملك الخوض فيها
الوجودي أو العقلاني أو أياً كان المسمي.. ألا يسأل نفسه
عن سبب وجوده في الحياة؟
حسناً هو ولد من أب وأم..يتنفس ..يأكل ..يشرب..يحيا
يفكر..يخترع......ولكن كل هذا في حقيقة الأمر ما هو
إلا وسائل لا غايات
فما هي غاية وجوده؟؟؟؟
ما غاية وجودك أنت؟
أنا أعلم سبب وجودي ..وفخر لي ولعقلي ولقلبي
أن ربي سبحانة وتعالي مَن علي بنعمة هذا العلم
قال رب العزة في كتابة العزيز:ـ ( ما خلقت
الجن والإنس إلا ليعبدون) العبادة لله تعالي
لها صور كثيرة ..الصلاة ..عمودها ..وأهم صورها
لكن ..عمارة الأرض والسعي فيها لون من ألوان العبادة
خدمة الدين وتقديم المخترعات التى تخدمه عبادة .. العمل
في شتي ميادين الحياة بالطريقة التي يرضي عنها الله
تعالي عباده... التحلي بمكارم الأخلاق عبادة
الترفع عن الآثام و المعاصي وتجنب الوقوع فيها
عبادة.. التآخي في الله والتحاب في الله تعالي عبادة
السعي لطلب الرزق عبادة
ما من عمل يعمله الإنسان أو نفس يتنفسه أو حرف
ينطقه إلا عبادة
وكلها وسائل والغاية... رضا الخالق الواحد الأحد
إذا سألت أحدهم عن علمه من أين جاء به
قال هو من الكتاب الفلاني أو العالم الفلاني
قال كذا وكذا ... وأحياناً نجد أحدهم يتبني
فكرة عالم معين أو نظريته ويدافع عنها
بقوة..وعزيمة لم لا .. وقد تولدت لديه قناعات
معينة أن هذة النظرية أصلها مردود لفكرة
وأن هذة الفكرة تبناها العالم الفلاني .. وقدمها
إلي الناس في نظرية...
مع فارق التشبية ولله تعالي المثل الأعلي في الحياة
الدنيا وفي الآخرة
أرسل الله تعالي أنبياءه ورسله صلوات الله عليهم
بدين الحق لإرشاد البشر وتوجيهم للطريق الصحيح
وتعليمهم كيف يصلون بوسائلهم إلي (الغاية)..
أليس هناك تناقض في فكر الوجودي ؟؟
يقبل أن ينقل فكرة عن عالم ربما كان سرقها
من آخر ..وربما كانت له
ويكفر بما جاء به أنبياء الله ورسله صلوات الله
عليهم
هذا وقد وضعت هذا الرد ..ليعلم سائله أن ما
من مسلم يوحد بالله تعالي إلا ويعلم وسائل
حياته وغاية حياته ...والله أسال العفو و
العافية
ختاماً (اللهم يا إلهي وسيدي وحبيبي أسالك
بأسمائك الحسني وباسمك الأعظم بأنك
أنت الله الواحد الأحد الفرد الصمد الذي
لم يلد ولم يولد ولم يكن له كفوا أحد)
أن تغفر لي ذلاتي وتقصيري وترزقني
نعمة العلم ..والفهم ...وتنفعني به .. وتنفع
به غيري إنك ولي ذلك والقادر علية
والسلام عليكم ورحمته وبركاته
دعواتي
هايدي

وقفة مع النفس ـ الحلقة الأولي ـ

السلام عليكم ورحمته وبركاته
يا رب تكونوا بكل خير وسعادة
أنا رجعة بعد غيبة ويا رب ما تتكرر
شكراً لكل اللي ردوا علي اعتذاري
وإن شاء الله هأكتب عن خلق (الحياء) فيه
أربعة أسئلة تنطرح في فكري:ـ

ـ ما العلاقة بين الحياء والحياة؟
ـ ما هو الحياء؟
ـ ما الفرق بينه وبين الخجل؟
ـ هل الحياء صفة يولد بها الإنسان أم أنه يمكن اكتسابه؟


هأجاوب علي كل سؤال علي حدة
لكن أولاً حدثنا النبي (صلي الله عليه وسلم) عن
هذا الخلق كثيراً فنلمح في كلامه معان
جميلة فيقول:ـ
الحياء كله خير

عن عمران بن حصين في الطبراني
الحياء لا يأتي إلا بخير

في البخاري ومسلم
إن مما أدرك الناس من كلام النبوة الأولي
إذا لم تستح فافعل ما شئت

في البخاري وأحمد في سننه
إن لكل دين خلقاً وإن خلق الإسلام الحياء

في ابن ماجه والطبراني

أرأيتم هذا الكم من الأحاديث التي توضح قيمة
الحياء وأثره في المجتمع وقد كان النبي
عليه الصلاة والسلام

وهو قدوتنا في هذا الخلق
فكان(أشد حياءً من العذراء في خدرها)رواه البخاري ومسلم
والإمام أحمد في مسنده
فهناك كم هائل من الأحاديث التي تركز في هذا الخلق الذي
ضاع بين كثير من شبابنا

تعالوا نبدأ حوارنا (هذة الأسئلة مطلوبة من كل
واحد ان يجيب عنها)إن شاء الله

ـ ما العلاقة بين الحياء والحياة؟
في رأيي,العلاقة عجيبة بينهما فكلما زاد حياؤك
كلما زادت حياتك جمالاً فأكمل الناس حياة أكملهم حياء
صور الحياء كثيرة ومن كثرتها يكاد يكون الدين كله من الحياء

ـ ما هو الحياء؟
كما يعرفه العلماء هو خلق يبعث علي اجتناب القبيح
حتي ولو لم يرك أحد هذا هو تعريف الحياء أنه
عاطفة ترتفع بها النفس عن عمل الذنوب
فعندما تجد نفسك غير قادر علي فعل
القبيح فأعلم أنه الحياء

ـ ما الفرق بين الحياء والخجل؟
يظن كثيرون أن الخجل هو الحياء أو أن الخجل جزء من الحياء
ولكن في الحقيقة أن الخجل عكس الحياء
فسبب الخجل شعور بالنقص داخل الإنسان فهو يشعر أنه
أضعف من الآخرين وأنه لا يستطيع مواجهتهم حتي
ولو لم يفعل شيئاً خطأ وهذا مختلف تماماً عن الحياء
فالحياء شعور نابع من الإحساس برفعة وعظمة النفس
فكلما رأيت نفس رفيعة وعالية كلما استحييت أن
أضعها في الدنايا فالحيي يستحي أن يكذب
لأنه لا يقبل أن تكون نفسه في هذا الدنايا
لكن الخجول إذا اتيحت له الفرصة أن
يفعل ذلك دون أن يراه أحد لفعل

ـ هل الحياء صفة يولد بها الإنسان أم أنه يمكن اكتسابه؟
نعم نولد جميعاً علي الفطرة وهناك حديث جميل
للنبي (عليه الصلاة والسلام) يقول فيه
(إنما العلم بالتعلم وإنما الحلم بالتحلم )
عن أبي الدرداء في الجامع الصغير
وكأن النبي

عليه الصلاة والسلام
يقول لنا ليس هناك خلق لا يمكنك اكتسابه
فإذا صبرت تتعلم الصبر
وإذا كنت كاذباً تكن صادقاً بالتدريب
وإذا لم تكن حيياً يمكنك ان تكون صاحب الحياء
بالتدريب

الحقيقة يا جماعة



ان ابرز مثال على الحياء
هى شخصية من أعظم الشخصيات الاسلامية
شخصيةعثمان بن عفان(الذى تميز بحيائه

لدرجة ان النبى علية الصلاة والسلام
أخبرنا ان الملائكة تستحى منه من شدة

حيائه)عن أم المؤمنين عائشة
ولكن هذا الرجل لم يمنعه او يردعه حيائه
عن المطالبة بحقه أو ان يأخذ حقه
وهذا عكس الخجول

كان هذا الموضوع مقتبساً من درس

استمعت اليه من الشيخ / محمد حسين يعقوب

والسلام عليكم ورحمته وبركاته

دعواتي

هايدي

إعتذار

السلام عليكم ورحمته وبركاته

اخباركم ايه

يا رب تكونوا بخير

الصراحة

وبدون مقدمات

أنا مجبورة اني

أترك البلوج

وارحمكم من كلامي

لمدة ليست قصيرة

والمدة هتمتد ليوم

26/1/2008

وادعولي ربنا يوفقني

ويمنحنا جميعا

الخير والبركة

بالسنة الهجرية

الجدبدة

آمين

والسلام عليكم ورحمته وبركاته

هايدي

يوم الفضيلة

السلام عليكم ورحمته وبركاته

الحمد لله وحده، والصلاة والسلام على من لا نبي بعده، وبعد

يوم عرفة من الأيام الفاضلة، تجاب فيه الدعوات، وتقال العثرات

ويباهي الله فيه الملائكة بأهل عرفات، وهو يوم عظَّم الله أمره

ورفع على الأيام قدره. وهو يوم إكمال الدين وإتمام النعمة،

ويوم مغفرة الذنوب والعتق من النيران. ويوم كهذا حري بك

أن تتعرف على فضائله وما ميزه الله به على غيره من الأيام

وتعرف كيف كان هدي النبي صلى الله عليه وسلم فيه؟

نسأل الله أن يعتق رقابنا من النار في هذا اليوم العظيم

من فضائل يوم عرفة

إنه يوم إكمال الدين وإتمام النعمة

ففي الصحيحين عن عمر بن الخطاب رضي الله عنه أن رجلاً من اليهود قال له: يا أمير المؤمنين، آية في كتابكم تقرؤونها، لو علينا معشر اليهود نزلت لاتخذنا ذلك اليوم عيداً، قال أي آية؟ قال : {الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً}المائدة3 قال عمر: قد عرفنا ذلك اليوم والمكان الذي نزلت فيه على النبي صلى الله عليه وسلم، وهو قائم بعرفة يوم الجمعة.

قال صلى الله عليه وسلم

(يوم عرفة ويوم النحر وأيام التشريق عيدنا أهل الإسلام وهي أيام أكل وشرب ) "رواه أهل السّنن" وقد روي عن عمر بن الخطاب أنه قال: (نزلت –أي آية (اليوم أكملت)- في يوم الجمعة ويوم عرفة، وكلاهما بحمد الله لنا عيد

إنه يوم أقسم الله به

والعظيم لا يقسم إلا بعظيم، فهو اليوم المشهود في قوله تعالى : {وَشَاهِدٍ وَمَشْهُودٍ }البروج3. فعن أبي هريرة رضي الله عنه أن النبي صلى الله عليه وسلم قال: (اليوم الموعود : يوم القيامة، واليوم المشهود : يوم عرفة ، والشاهد : يوم الجمعة) رواه الترمذي وحسنه الألباني.

وهو الوتر الذي أقسم الله به في قوله: {وَالشَّفْعِ وَالْوَتْرِ }الفجر3

قال ابن عباس: الشفع يوم الأضحى، والوتر يوم عرفة، وهو قول عكرمة والضحاك

أن صيامه يكفر سنتين

فقد ورد عن أبي قتادة رضي الله عنه أن رسول الله صلى الله عليه وسلم سئل عن صوم يوم عرفة فقال: (يكفر السنة الماضية والسنة القابلة) رواه مسلم. وهذا إنما يستحب لغير الحاج،

أما الحاج فلا يسن له صيام يوم عرفة؛ لأن النبي صلى الله عليه وسلم ترك صومه، وروي عنه أنه نهى عن صوم يوم عرفة بعرفة. قال الإمام النووي عن صوم أيام العشر: "انه مستحب استحبابا شديدا "

. وقال عليه الصلاة والسلام: ( ما من عبد يصوم يوما في سبيل الله إلا باعد الله بذلك اليوم وجهه عن النار سبعين خريفا) متفق عليه .

أنه اليوم الذي أخذ الله فيه الميثاق على ذرية آدم

. فعن ابن عباس _رضي الله عنهما_ قال: قال رسول الله صلى الله عليه وسلم: (إن الله أخذ الميثاق من ظهر آدم بِنَعْمان- يعني عرفة- وأخرج من صلبه كل ذرية ذرأها، فنثرهم بين يديه كالذّر، ثم كلمهم قِبَلا، قال: أَلَسْتُ بِرَبِّكُمْ قَالُواْ بَلَى شَهِدْنَا أَن تَقُولُواْ يَوْمَ الْقِيَامَةِ إِنَّا كُنَّا عَنْ هَذَا غَافِلِينَ } {أَوْ تَقُولُواْ إِنَّمَا أَشْرَكَ آبَاؤُنَا مِن قَبْلُ وَكُنَّا ذُرِّيَّةً مِّن بَعْدِهِمْ أَفَتُهْلِكُنَا بِمَا فَعَلَ الْمُبْطِلُونَ } (الأعراف: 172 ، 173) رواه أحمد وصححه الألباني. فما أعظمه من يوم! وما أعظمه من ميثاق

أنه يوم مغفرة الذنوب والعتق من النار والمباهاة بأهل الموقف

ففي صحيح مسلم عن عائشة _رضي الله عنها_ عن النبي صلى الله عليه وسلم قال: ( ما من يوم أكثر من أن يعتق الله فيه عبدأ من النار

من يوم عرفة، وإنه ليدنو ثم يباهي بهم الملائكة فيقول: ما أراد هؤلاء؟).

قال ابنُ عبدُ البر : وهذا يدلُ على أنهم مغفورٌ لهم لأنه لا يباهي بأهل الخطايا إلا بعد التوبة والغفران والله أعلم أهـ .

وعن ابن عمر أن النبي صلى الله عليه وسلم قال: ( إن الله تعالى يباهي ملائكته عشية عرفة بأهل عرفة، فيقول: انظروا إلى عبادي، أتوني شعثا غبراً) رواه أحمد وصححه الألباني.

وسُئل فضيلة الشيخ بن عثيمين ( رحمه الله ) : لماذا يدعو الإنسان ولا يستجاب له ؟ والله عز وجل يقول: { ادْعُونِي أَسْتَجِبْ لَكُمْ } ؟ فاجاب فضيلته عن اسباب إجابة الدعاء وموانع الدعاء ، فقال : " هذا الرجل كان مسافراً والسفر غالباً

من أسباب الإجابة لأن الإنسان في السفر يشعر بالحاجة إلى الله عز وجل والضرورة إليه أكثر مما إذا كان مقيماً في أهله، وأشعث أغبر كأنه غير معني بنفسه كأن أهم شيء عنده أن يلتجىء إلى الله ويدعوه على أي حال كان هو سواء كان أشعث أغبر أم مترفاً، والشعث والغبر له أثر في الإجابة

كما في الحديث الذي روي عن النبي صلى الله عليه وسلم أن الله تعالى ينزل إلى السماء الدنيا عشية عرفة يباهي الملائكة بالواقفين فيها يقول: " أتوني شعثاً غبراً ضاحين من كل فج عميق" هـ .

وذكر شيخ الاسلام ابن تيمية رحمه الله : فقال : ( الشُّعْث‏:‏ هو اغبرار الرأس‏,‏ والغَبَرُ‏:‏ هو التراب، والغُبْرة‏:‏ لونه) فإنه من المعلوم أن الحجيج عشية عرفة ينزل على قلوبهم من الإيمان والرحمة والنور والبركة ما لا يمكن التعبير عنه، لكن ليس هذا الذى في قلوبهم هو الذى يدنو إلى السماء الدنيا، ويباهي الملائكة بالحجيج‏ )هـ فعلى المسلم أن يحرصَ على العمل الصالح لا سيما في هذا اليوم العظيم من ذكرٍ ودعاءٍ وقراءةٍ وصلاةٍ وصدقةٍ لعله أن يحظى من الله تعالى بالمغفرة والعتق من النار .

فقد ذكر ابنُ رجب - رحمه الله – في اللطائف : أن العتقَ من النار عام لجميع المسلمين . وذكر ابن القيم رحمه الله في كتابه: (زاد المعاد في هدي خير العباد ) ج1 فقال : "أنه في يوم عرفة يدنو الرّبُّ تبارك وتعالى عشيةَ مِن أهل الموقف، ثم يُباهي بهم الملائكة فيقول‏:‏ ‏(‏مَا أَرَادَ هؤُلاءِ، أُشْهِدُكُم أنِّي قَدْ غَفَرْتُ لَهُم‏)‏ وتحصلُ مع دنوه منهم تبارك وتعالى ساعةُ الإِجابة التي لاَ يَرُدُّ فيها سائل يسأل خيراً فيقربُون منه بدعائه والتضرع إليه في تلك الساعة، ويقرُب منهم تعالى نوعين من القُرب، أحدهما‏:‏ قربُ الإِجابة المحققة في تلك الساعة، والثاني‏:‏ قربه الخاص من أهل عرفة، ومباهاتُه بهم ملائكته، فتستشعِرُ قلوبُ أهل الإِيمان بهذه الأمور، فتزداد قوة إلى قوتها، وفرحاً وسروراً وابتهاجاً ورجاء لفضل ربها وكرمه، فبهذه الوجوه وغيرها فُضِّلَتْ وقفةُ يومِ الجمعة على غيرها‏ " هــ .

وذكر السعدي رحمه الله في تفسيره للآية الكريمة : " وليال عشر " من سورة الفجر فقال : "في أيام عشر ذي الحجة، الوقوف بعرفة، الذي يغفر الله فيه لعباده مغفرة يحزن لها الشيطان، فما رئي الشيطان أحقر ولا أدحر منه في يوم عرفة، لما يرى من تنزل الأملاك والرحمة من الله لعباده، ويقع فيها كثير من أفعال الحج والعمرة، وهذه أشياء معظمة، مستحقة ، لأن يقسم الله بها‏ "هـ .

قال اللّه تعالى‏:‏ ( وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ )الحج28‏.‏ الآية‏.

‏ قال ابن عباس والشافعي والجمهور‏:‏ هي أيامُ العشر‏.‏

وقال النووي رحمه الله في كتابه (الاذكار ) : ( واعلم أنه يُستحبُّ الإِكثار من الأذكار في هذا العشر زيادةً على غيره،ويُستحب من ذلك في يوم عرفة اكثر من باقي العشر ) هـ

أما من لم يتيسر له الحج فهو كما قال أحد السلف: " من فاته في هذا العام القيام بعرفة فليقم لله بحقه الذي عَرَفَه، ومن عجز عن المبيت بمزدلفة، فليُبيِّت عزمه على طاعة الله وقد قرَّبه وأزلفه ، ومن لم يقدر على نحر هديه بمنى فليذبح هواه هنا وقد بلغ المُنى ، من لم يصلْ إلى

البيت لأنه منه بعيد فليقصد رب البيت فإنه أقرب إلى من دعاه من حبل الوريد

موضوع (كتبت أحبك يا أمي)مستمر

منتظرة تعليقاتكوا

والسلام عليكم ورحمته وبركاته

تحياتي

هايدي

كتبت أحبك يا أمي

اهداء الي أمي الحبيبة

يا رب يرجعها لنا

بالسلامة

هي و أبي

من الحج

إن شاء الله

.

.

.

أجل أهواكي أنت حياتي

وأنت أحب إلي من بصري وسمعي

هل أنساك كلا لست أنسى

هوى قد كان إلهامي ونبعي

لبست من التبصر عنك درعاً

فها أنا أخاف أن تنتزع الأيام درعي

وها أنا لا أداري عنك سراً

عرفت محبتي لك ورأيت شوقي

زادت قوتي وغدى فؤادي

فكان خفوقه خلجات فرح

أبشره فيرقص بين ضلوعي

وأنظر لخوالي أيامنا فأطرب

وأعود لأقول لك .....

أجل أحبك ياأمي

ياما في الجراب ياحاوي ... !!!!

سكند لايف ... اضغط هنا

تؤ تؤ تؤ .....



السلام عليكم ورحمة الله وبركاته

كيف حالكم ياجماعة ؟؟ أسأل الله العليّ القدير أن تكونوا بأتم صحة وأسعد حال

ــــــــــــــــــــــــــ

البوست ده إهداء للأستاذ / أحمد الصباغ صاحب مدونة خالو أحمد


شكر ليه على مؤازرته المستمرة ليا .. واستكمالاً لموضوع كتبه بعنوان

طمـــوح إلكترونى

شخشخ الكى بورد يا سيد


قولوا بسم الله


حد منكم فكر كده لو اتيحت له فرصة إنه يعيش ف عالم آخر ... ح يعمل إيه ؟؟؟

ناس كتير اتيحت لهم الفرصة دي ... حتى أنا كماااااااااان !!!!!!

يم يم يم يم

بس بس استنوا عليا ... قبل مايوصل لدماغكوا استنتاجات مش ( صح ) عني

ح احكيلكم اللي حصل ... بس لازم تقولوا لي رأيكم ف اللي ح تسمعوه ...

سواء اتفقتوا معايا أو اختلفتوا .... ماشي ؟؟؟؟

ـــــــــــــــــــــــــــــ

ياجماعة أنا كنت قاعدة ف أمان ربنا ومش على بالي حاجة ...

جات واحدة جارتنا ... تزورنا

وبعد السلامات والترحيب .. قعدنا ناخد و ندي في الكلام

كلمة من هنا وكلمة من هناك .. شفتوا سايت الفيس بوك ... ؟؟

شفتوا مجاميع الكليات السنة دي وصلت للسما ازاي ؟؟ تعرفوا صاحبتي جابت 97% ماجالهاش اي حاجة الا تجارة ..

ااااه استنوا استنوا انا ح احكيلكوا عن موضوع قنبلة ...

سمعتوا عن حاجة اسمها العالم التاني ؟؟؟؟

أختي لأن دماغها كلها أحياء .. ومتنفسات ولعبكات علمية ..

قالت لها .... أصدك الجنس التاني والتالث ؟ ؟؟

لأ لأ ... ياسمر

طب أصدك فكرة الحياة على كوكب المريخ ... ولالالا ؟؟؟

يابنتي لأ ... أن بتكلم عن

Second life

الحياة الثانية .... لعبة ... لعبة اسمها كده

طبعاً إحنا عشان ماما دايما تقول .. اكبروا شوية

الكارتون والجيمز بيخربوا عقولكم وبيضيعوا وقتكم .. اللي ربنا ح يحاسبنا عليه ..

عملتوا بيه ايه ياحلوييييين ؟؟

حضراتنا طبعا رجعنا لورا كده .. وقلنا لها بـ ( تقل ) .. آآآآآآآآآه لعبة ةةةةةةةةةةة

بس برضو منظر البنت بان عليها إنها نفسها تحكيلنا .. أكيد الموضوع مهم

سألتها ... يعني لعبة كده زي توم رايدر .. وبرنس اف باريس ؟؟

قالت لأ لأ لأ

دي حاجة تانية خالص ...

قلنا نشنف آذاننا .. ونسمع

أهو من باب العلم بالشيء .. هاتي ماعندك ياشهرزاد ..

بصوا ياجماعة وباختصار كده ...

اللعبة دي ابتكرتها شركة ليندن لابس 2003

عبارة عن عالم افتراضي اشخاصه عاملين زي اللي موجودين ف الالعاب ثلاثية الابعاد

لكن الفارق ان الشخص يقدر يتفاعل ويتعارف ويعبر عن نفسه

ازاي ؟؟؟

يدخل يسجل على الموقع ويختار لنفسه اسم وشخصية والشكل اللي عايزه وكمان يلبس اللبس اللي عايزه

ويبتدي يتعلم المشي ثم الطيران ...

ويبتدي يدب ف أرضه ويدور على رزقه يشتغل ويكسب .. ويشتري البيت اللي هو عايزه لما يختار مكانه

وطبعا العالم ده ليه عملته الخاصة بيه الدولار ليندن

وكمان ليه اقتصاده الجبار وفي شركات ومؤسسات كبيرة من اللي ليها اسمها ف سوق الاقتصاد عاملة فروع هناك

عدد سكان العالم هناك اتعدو 3 ملايين نسمة افتراضيين ...

يم يم يم

... قلت أقوم ع الشبكة المعنكبة .. وأعمل بحث وأشوف ايه حكاية السكند لايف دي ؟؟

لقيت كلام البنت صحيح ..

لأ وكمان لقيت ان فكرة السكند لايف راجت ونجحت لدرجة انها امتدت من الأشخاص للوكالات ..

وكالة رويتر عاملة مكتب افتراضي هناك وكمان الاذاعة الاسترالية ..

واصبح هناك تمثيل دبلوماسي وسياسي .. تخيلو !!!!

جزر الملديف والسويد افتتحتا سفارتين افتراضين هناك

لأ وشوفوا كمان لما قلبت ف جراب الحاوي .. أصدي ف الشبكة المعنكبة

خبر بيتكلم عن الدعوة الإسلامية هناك .. في السكند لايف .. وان ليها نشاط

لدرجة وجود داعية إسلامي هناك لنشر الدعوة ..

وان فيه مسجد هناك للمسلمين الافتراضيين عشان يؤدوا فيه صلواتهم

لأ وشوفوا ... ثلاث مسيحيين أسلموا هناك وأشهروا اسلامهم داخل المسجد ونطقوا بالشهادة

لأ وايه كمان .. انتشرت هناك بين السكان الافتراضيين حاجة سماها العلماء النفسيين اسلاموفوبيا

يعني ايه ...؟؟ السكان هناك اصابتهم فوبيا .. من الاسلام والاسلاميين وتعرضوا للمسلمين هناك ..

بالسباب والشتائم ووصلوا لحد اغتصاب البنات المسلمات الافتراضيات هناك

خبر تاني قريتو وهو سقوط قنبلة ذرية على مبنى الاذاعة الاسترالية الافتراضية

وان جماعة سمت نفسها جماعة جيش تحرير سكند لايف الافتراضية أعلنت مسئوليتها عن الحادث

ولقيت .. ولقيت .. ولقيت

اشي تجارة واقتصاد وبيع عقارات وبيوت أزياء وموضة

وماعرفش ايه تاني ..

لأ وزاد وغطى .. البوست بتاع أستاذ أحمد الصباغ

قلت قبل ماعقلي يشط مني

أروح على أحبائي في الله سبحانه وتعالى

مين غيركم يلحقني وأحط كل تخريفاتي هنا

وأسيبكم انتو تردوا عليا

ياجماااااااااااااااااعة

أيهم أولى بالدعوة الإسلامية ونصرة الاسلام .. الحياة الأولى

حياتنا الحقيقية اللي عايشناها واللي ح نتحاسب عليها ...

ولا الحياة الافتراضية .. اللي أثبتت البحوث والدراسات النفسية

ان معظمهم بيكونوا أشخاص على غير حقيقتهم

وان لجوءهم للسكند لايف نوع من الهروب من حياتهم الحقيقية

وانهم بيعملوا تصرفات مش دايماً بتكون عكس تصرفاتهم

يعني مش الغير مسلم ح يستنى لما يروح السكند لايف عشان يسلم .... ؟؟؟

مش أحسن لو ... نكرس اهتمامنا بتقويم أنفسنا ومجتمعنا

واصلاح شأننا حتى نستطيع أن نكون حقاً ..

( أمة محمد صلى الله عليه وسلم ) ؟؟



ياجماعة ... طيب تفتكروا ده مش قمة تضييع الوقت ..

اللي رب العزة ح يحاسبنا عليه ويقولنا :

عملتوا ايه بوقتكم .. أنا خلقتكم لعبادتي وعمارة الأرض

طيب ايه من السببين دول حققناه في سكند لايف ؟؟


اللي أعلنوا إسلامهم في سكند لايف دول ياترى

كان تصرفهم حقيقي ولاكان افتراضي هو كمان ؟؟

اشمعنى يعني ح نهلل باسلامهم ونفرح ونفترض صدقه

في عالم كله مبني على الخيال والافتراض

وآخر تساؤل ليا وياريت ألقى حد يتبرع ويسألنا حد من علمائنا الأجلاء

إيه رأي الشرع في الحياة دي ؟ وهل الداعية فيها مأجور على عمله ؟

وهل الإسلام يشجع على مثل ذلك الأمر ؟

ولا إيه رأيكم ؟؟؟؟

في انتظاركم جميعاً ...

وياريت لو سمحتو اللي يضيف كومنت ..

يختار الاجابة المناسبة في الاستفتاء اللي في التول بار

ـــــــــــــــــــــــــــــــــــــــــــــــــــــــــــــــ

تحياتي للجميع

هايدي

كرسي الاعتراف

السلام عليكم ورحمة الله وبركاته

غبت عنكم كتير ... لكن رجعتلكم ومعايا حكاية حصلت معايا .. وبتحصل تقريبا في كل بيت

اقروا معايا وقولولي رأيكم .. بس بعد ماتقولوا ...

بسم الله الرحمن الرحيم ...

ــــــــــــــــــــــــــــــــ

ايه رأيك لو حد قعدك على كرسي وأقنعك إنك دلوقتي حالا على كرسي الاعتراف

وانك من غير ماتحس ح تلاقي نفسك بتدلدأ بالكلام ،
حتى لو انت مش عايز تتكلم وحتى لو حاولت تمنع نفسك ..
مش ح تقدر !!!

اديني عقلك شوية وخدو تاني ...

آآآآآآه .. ح تقول البنت دي بدأت تهتش ..

أمال لما تسمع اللي جاي ح تقول ايه ..

مش أنا قعدت عليه .. بجد قعدت على كرسي الاعتراف

ايه الحكاية وجات إزاي !! ماأنا جاية لكم ف الكلام أهوه

أكيد طبعاً كلكو كدبتوا ولو مرة ف يوم من الأيام .. وخصوصاً وانتو صغيرين ..

أنا بأه كنت حريفة كدب خايبة أوي .. ويظهر الحكاية دي كانت غايظة ماما وقلقاها

لأ مش قلقانة اني خايبة ف الكدب .. قلقانة اني بكدب من اصلو ..

بس طبعاً مش ح تغلب لأن مامتي ماعندهاش فعلاً مستحيل ..

المهم ياجماعة ف يوم من الأيام كان عندي تقريباً يمكن أقل من خمس سنين ،
بابا وماما كانوا بيروحو يشتروا طلبات البيت مرة كل اسبوعين ..
وأنا وأختي التوأم .. كانوا دايما بياخدونا معاهم لما بيكون الجو كويس ..
لكن لما بيكون حر .. بيخافو علينا ف بيسيبونا في البيت ..

toy story المهم اختي ومانيل قعدو يتفرجو على فيلم

للمرة ال.... تاشر ...

.... مش فاكرة الكام .... وأنا كنت مليت منو .
قلت أدعبسلي على حاجة تسليني ..
وبصراحة أنا كنت منظرة على العملة السودا دي من فترة بس كنت مستنية الفرصة .

اتسحبت على أوضة ماما .. وأنا كنت بموت ف المرايا بتاعة التسريحة لانها كبيرة أوي ..

طلعت ع الكرسي بتاع التسريحة .. واستعنت ع الشقا بالله ..

ومديت ايدي فتحت علبة كبيرة أوي ماما كانت حاطة فيها ألوان جميلة وتجنن ..

من كل لون في أقلام كتير أوي طرية وجميلة وركناهم لا هي بتلون بيهم ولا هي سايبانا احنا نلون ..

المهم أنا عارفة انها حاجات بتتحط ع الوش ... بس مايمنعش يعني اني أجربها ع المراية ..

قبل كده جربت واحد منهم ع الورق وكان جميل أوي ..
رسمت بيه وردة حمرا بس يظهر الورقة كانت صغيورة عليه .. أنا قلت المرايا كبيرة .. وح تساع ..

وأمسحوا ولا من شاف ولا من دري .. المهم ...

قعدت أرسم ف ورد وعملت جنينة كبيرة أوي ورسمت كمان فيها شجر ..ورسمت شمس تحفة ةةةةةة

ولا المركب اللي رسمتو ولونت البحر تحتيه وجيت أرسمني وانا راكبة جواه .....

سمعت صوت المفتاح ف الباب وماما وبابا جايين ..
قلبت الاقلام والعلب الصغيورة المفتفتة .. جوا العلبة الكبيرة .. ورحت طافية النور بتاع الأوضة ..

وخرجت قعدت جنب أختي ولا من شاف ولا من دري ..

دخلت ماما .. لقت إيدي ملطخة اشي أحمر وأزرق وموف وفوشيا وحاجات غريبة .. قالتلي إيه ياهايدي ده ..

ايه اللي موسخ ايدك .. كشيت ايديا ف بعضيهم ورا ظهري وافتكرت انو خلاص لما عملت كده هي ح تبطل تشوفهم ..

دخلت هي الأوضة بتاعتها .. وأنا دخلت جوا التلفزيون آل يعني بأتفرج ومشغولة ومش فاضية لحد ...
ولحظة وسمعت حاجات أنا متوقعة شوية منهم .. أصل زمان ماما لما كان حد مننا يعمل عملاته السودة

ماكناش نسمع إلا جملتين مافيش غيرهم .. يالهوي ىىىىىى حرام عليكم ... حرام عليكم ....... وبسسسسسس

وبعد دقيقتين نلقاها راقت وقعدت تتكلم معانا .. وليه ياحبيبي تعملي كده .. كده غلط .. كده ... كده ....

المهم أنا طبعا كنت متوقعة أسمع .. يالهوي ىىىىى بس المرة دي سمعت كمان معاهم ... حسبي الله .. حسبي الله

مين فيكو عملت العملة السودا دي ؟

طبعاً أنا بريئة ولا كأني هنا ... أمي تسأل .. وأنا أرد بمنتهى الهدوء .. أنا والله ماعملت حاجة .. ولا اتحركت من مكاني من ساعة ماخرجتو ده انا كنت بتفرج على ( باز .. باااااااز ) ..

وأختي طبعاً مااقولكوش عليها أصلنا مدمنين أفلام كارتون لحد الآن ... فطبعاً لما بنشغل فيلم بندخل جوا التلفزيون وننفصل عن أي حاجة تانية حوالينا ..

فأختي ... كمان بتحلف بس بحرقة أوي ... وانا بتكلم بهدوء وبراءة ... راحت ماما .. بصتلي كتير أوي ... حسيت كأنها ح تخنقني ....

..وبعدين ... دخلت أوضيتها وبعدين المطبخ .. وافتكرتها خلاص نسيت وخلصت الحدوتة على كده ...

لقيتها جاية بعد شوية كده .. ونادت علينا أنا وأختي وجابتنا وشاورت على كرسي كبير أوي ... كانت حاطاه ف الصالة وبتحب تقعد عليه ..
تعرفوا هي لما كانت بتقعد عليه كانت بتغطس فيه .. فما بالكم بأه احنا لما نقعد عليه ..

المهم ... مسكتني من إيدي وقالتلي اقعدي ع الكرسي ده .. بس قبل ماتقعدي ياهايدي أنا عايزة أأولك حاجة مهمة أوي ... ببراءتي المعتادة ... حاجة ؟؟؟ حاجة ايه يامامتي ياحبيبتي ؟؟

... تعرفو ربنا ادى كل أم حاجة علشان تعرف بيها ولادها بيقولو الصدق ولا لا ... وعشان يتعلموه ومايكدبوش أبداً ف حياتهم .. علشان يفضل قلبهم ابيض .. مافيهوش ولا نقطة سودا ...

تعرفو ايه هي الحاجة دي ؟؟؟ احنا كنا بدينا نحس برهبة .... لان ماما لما بتيجي تكلمنا عن ربنا ... بتخلينا نحس كده بجو فيه رهبة ....

عارفين ايه هي الحاجة دي ىىىى ؟؟؟

ايه هي ياماما ؟؟

بالنسبة ليا أنا ...... الكرسي ده ..........

هي قالت كده وأنا ركبي سابت بس أختي سمر كانت أجمد مني شوية ...

راحت ضاحكة كده وقايلة لها ... ياسلالالالالام ... الكرسي ده ؟؟؟ آآآآآآآآه

ماما راحت قايللها .. أيوة .. أنا أقدر لو قعدتوا ادامي هنا ع الكرسي .. أعرف مين فيكو صادق ومين كداب ...

بس بشرط ... لازم تعرفوا حاجة مهمة أوي ....

ايه هههههه ؟؟ اللي ح يكدب منكو ربنا يأذيه لو مش دلوقتي حالاً يبقى كمان شوية أو بعدين ..

غير بأه كمان لما يروح عند ربنا سبحانه وتعالى .. يوم القيامة .. ح يحاسبو حساب عسير ...

أنا كنت اتجرأت شوية لما لقيت سمر مش مقتنعة ( بس يظهر لان انا اللي عاملة العملة دي ... ف ... )

المهم يعني .. ماما قالتلها ... طيب تحبوا اثبتلكم .. اقعدي ياهايدي على الكرسي ..

قعدت وأنا مصممة جوايا اكدب واشوف لو ماما ح تعرف ولا لأ ... سألتني ..

انتي ياهايدي اللي رسمتي الحاجات اللي جوا على المرايا ؟؟؟

جيت أأولها لأ .... ماما لحقتني وراحت قايلالي ايه ... خلي بالك لو كدبتي انتي حرة ف اللي ح يجرالك ...

اترعبت انا وخلصت ع الاخر ..

ورحت منفجرة ف العياط ... وقايلة لها .. آآآآآخررر مرة ياماما ..

مش ح ألعب ف حاجاتك تاني ومش ح أكدب تاني .. والله ياماما مش ح ةاكدب تاني ..

أختي شافتني كده .. اترعبت هي كمان وصدقنا فعلا حكاية الكرسي دي ...

وبقينا لما نمشي ف الصالة نمشي من بعيد عنه .. ماما سمته كرسي الاعتراف ..

لما كانت تسألنا عن حاجة ونسكت تقول طيب خلاص تعالو اقعدو ع كرسي الاعتراف ... تلاقينا ف لحظة كرينا الكلام ...

بس بعدها سمر سألتني هايدي هو انتي لما قعدتي ع الكرسي عرفتي ازاي ان ربنا بيبص عليكي ؟

ياعبيطة مش ماما دايما تقولنا ان ربنا سبحانه وتعالى بيشوفنا دايما واحنا مش بنشوفه ..

طيب هو يعني ماما كده مش بتكدب ابداً .. عشان كده بتحب تقعد ع الكرسي ده ... ومش بتخاف منو ؟؟؟

المهم لما كبرنا شوية .. وفهمنا حدوتة الكرسي ده ... قلنا لماما بس هو انتي كده مش كدبتي علينا ؟؟

قالت لنا ... أنا قلت ان ربنا بيدي الام حاجة تعرف بيها لو ولادها بيكدبو ولا لا .. وده حقيقي

وقلت لكم ان ربنا بيعاقب الكداب ان عاجلا او آجلا وده حقيقي ... أما حكاية الكرسي دي .. كانت مجرد حيلة عشان اعلمكم بيها ..
آه نسيت أأولكم دي كانت المرة اللي ماما حست فيها انو انا عندي موهبة الرسم فعلا لانو اول مرة ارسم حاجة كبيرة .. خلت الصورة اللي رسمتها فتر ة طويلة ومامسحتهاش من ع المرايا وقالتلي لما تنجحي ف سنة اولى ح اجيبلك علبة الوان كبيرة ... وفعلا جابتلي علبة ألوان فايبر كاسل كبيرة اوي .. من مكتبة مخصوصة للرسامين وكمان جابتلي اسكتشات رسم من بتاعة الرسامين .. خليتني احس اني رسامة بجد وكنت كل مااشخبط حاجة او ارسم رسمة تقولي ايه ... انتي ح تطلعي رسامة كبيرة ياهايدي ...


ـــــــــــــــــــــــــــ

ح تسألو ايه فكرني بالحكاية دي دلوقتي ؟؟

أأولكم ... شوفو بأه أنا عندي تلات اخوات بنات صغننين منهم اتنين توأم ... المهم ماما بتعلمهم يحافظو ع الصلاة ف وقتها ... وطبعا ده صعب جدا لأن الطفل مابيكونش واعي كويس لقيم ومعاني دينية كتيرة ...

المهم يعني ... ماما دايما تطلب مننا نساعدها في مراقبة اخواتي .. وتقول بس احنا نعودهم ع الصلاة وهما لما يوصلو عشر سنين ح تكون بقت عادة عندهم ومش ح يستغنو عنها ..

المهم اختي الصغنتوتة .. نادو .. ماما بتسألها اول امبارح ... صليتي الصبح يانادو؟؟؟... ايوة طبعا ياماما ...

ماما سكتت .. جت بالليل صليتي العشا يانادو ..؟؟ أيوة طبعا صليت ...

سمر راحت مفرقعة الاسفين اياه ولقيناها بتقوووووول ... ازاي ياماما بتسأليها .. أنا سألتها وقالتلي انها صلت مع حضرتك !!!!!

ونادو طبعا بدأت تفتح الزنانة بتاعتها .. انا صليت ... صللللللللليييييييتتتت ...

ماما ابتسمت الابتسامة اياها بتاعة زمان .. اللي كنا بنشوفها لما نكون عاملين عاملة .. وراحت قايلة لنا ... أأولكو يابنات أنا ح اريحكو كلكو ...

هاتوها على كرسي الاعتراف ودلوقتي كل حاجة تبان ... أنا وسمر كنا ح ننفجر م الضحك بس كتمنا اااااااااا ششششششش ..

و جات ماما عملت معاها نفس الفيلم ... وأهو من ساعتها ونادو بتصلي لوحدها ... الله اعلم ح تفضل على كده لحد امتى ... بس ربنا يديمها نعمة ..

ويخليلنا ماما ومايحرمناش أبداً من تفانين ماما ..

ولالالالالالا .... من ...... كرسي الاعتراف .....

ــــــــــــــــــــــــ

تحياتي ليكم ... وتصبحو على خير

هايدي

ــــــــــــــــ

أنشودة الحياة ... بقلم هايدي سعد الدين

ذات حقب


قبل ولادة النهر


تساقط القطر من عيني السماء


ممهور بآيات الحياة

فترنحت الفيافي سكرى

ترشف الشهد المعتق .. من كؤوس الندى

وامتدت أصابع الخصب

تسبر أغوار الكينونة البكر

وتصوغ حلة للجمال ... ربما بطول الأزل

تصدح السنونوات مغردة

وهي تؤوب إلى أعشاشها مختالة متمايلة

والشمس ترسل تمائم الضوء

تكسو طلاسمها الذهب .. متون التلال

هاهو قطار النهر .. ينحدر

من قمم الدهشة

عازفاً لحن الخرير الثمل

وحيداً .. نشواناً يحتضن القطر

القطر ... الساقط من عيني السماء


ــــــــــــــــ

ـــــــــ

ـــــ


بقلم .. هايدي

إلحقـــــــــــــــــووووووناااااااااااااااااااا

إلحقونااااااااااااااااا

سرقوا الأرض ... وسرقوا الثروات .. ودبحوا وقتلوا وارتكبوا جرائم حرب

وسكتنا ... لأ لأ صرخنا وقلنا جاااااااااااااااي ... جااااااااااااااااااي الحقونا

لا لحقنا نفسنا ...

ولا حد لحقنا ...

طيب فين الجديد ..

الجديد ف


( قوس الحياة )

أو

( أرش دو زوي ) (Arche de Zoé)

وهي

منظمة فرنسية غير حكومية عمرها سنتان، وأعلنت عن نشاطها في إندونيسيا منذ بداية 2005

ثم أحدثت ضجة إعلامية مع نهاية أكتوبر/تشرين الأول 2007 لما ضبطتها السلطات التشادية

وهي بصدد محاولة خطف أزيد من 103طفل تشادي وسوداني ( مسلمين ) وتهجيرهم لفرنسا.

المنظمة كانت تعمل

تحت شعار

"أنقذوا أطفال دارفور في الوقت المناسب فسيموتون خلال أشهر".


للإطلاع على الخبر كامل من موقع الجزيرة

اضغط على الرابط

تشاد تحيل 16 أوروبيا للقضاء بقضية خطف أطفال دارفور



محاولة الخطف دي ماهي إلا صورة جديدة من صور تجارة الرقيق

ياترى الهدف ايه

محاولة تنصير ومسخ الهوية الإسلامية لهؤلاء الأطفال ؟؟

اتجار ف اعضاء الأطفال ؟؟

بيع الأطفال للأسر الراغبة في التبني ؟؟

إحياء زمن العبودية ؟؟

ياترى .. ده اسمو إرهاب ولا اسمو طبطبة ؟؟


طيب ياجماعة .. إحنا فين .. فين ؟؟؟؟

فين منظمات الإغاثة الإسلامية ؟؟ كانت فين لما وصلوا لأطفالنا ؟؟

طيب اللي حصل حصل وخلاص

دلوقتي إحنا فين دورنا ؟؟

ح نعمل إيه ؟

ح نقف نتفرج برضو ونشجب ونستنكر ..

وترجع مآساة أطفال الصومال تتكرر

كام مائة ولا كام ألف طفل صومالي ( مسلم عربي ) اتنصر ؟؟؟

ياجماعة ... حرام والله .. إمتى نفوق .. إمتى ؟؟؟

ــــــــــــــــــــــــــــــــــــــــ

تابعونا الملف القادم

( أطفال الصومال بين الجوع والتنصير )


تحياتي ... هايدي

المدونة محتجبة اليوم .. مع أحمد الصباغ

يوم الجرائم الأمريكية

حرية على الموضة

Draw Your Own Picture

السلام عليكم ورحمة الله وبركاته يمكن عنوان البوست غريب شوية بس اصبروا عليا وأنا ح أفهمكم ... جاه منين ؟؟؟ ماهو كل حاجة في الدنيا دلوقتي ماشية ع الموضة واللي مايمشيش ع الموضة والروشنة يبقى حاجة كده ف الخيابة والفلحنة سبحان الله ... لما كنت في المدرسة كنت بقول امتى أخلص من أيامها وأروح ع الجامعة !! ... أصلو سمعت إن الناس فيها عقلها بيكبر وتفكيرها بيوسع ..وكنت بمني نفسي .. إني ح أخلص من تعليقات زميلاتي في الفصل والمدرسة عن ... ايه اللي انتي لابساه ده ياهايدي ؟؟إيه تفكيرك المقفل ده ياهايدي ؟ انتي بنت متخلفة ياهايدي .. إيه يعني لما نخرج كلنا كده جروب مع بعض !! نتمشى ونروح أي كافيه .. ولا حتى نروح سينما وإيه يعني لما نرجع متأخرين طالما كلنا مع بعض يابنتي انتي كبرتي .. سيبك من موال بابي ومامي ده وبعدين يعني ايه لزقتك المنيلة دي مع مامتك هو لازم تروحي تدلؤيلها كل اللي عملتيه ف المدرسة ؟؟؟؟؟؟؟؟؟يابنتي اكبري .......................لازم تكون عندك أسرارك وحياتك الخاصة وبعدين معقول .. بنت طويلة عريضة زيك .. معهاش موبايل ؟؟؟؟؟؟؟؟؟؟؟؟؟؟؟؟يعني ايه مش محتاجاه ؟؟ في بنت ف الدنيا ماتحتاجش موبايل ؟؟؟ أمال الرنات والماسجات اتعملت عشان مين ؟؟ بصراحة وم الآخر كده .... انتي بنت خنيء .. خنييييييييييييء كنت بسمع كلامهم ومن باب احترام آراء الآخرين ... في البداية كنت بأناقشهم كتير أوي ومرات كنت بأتطرق لأسلوب تفكيرهم في محاولات فاشلة لفهمهم .. أو لتوضيح الأمور وإيجاد نوع من التواصل وكل نقاش كانوا بيختموه بجملة مافيش غيرها " يابنتي احنا ف بلد الحرية وف زمن الحرية " وبرضو فكرت كتير أوي ... ف معنى الجملة دي وماقدرتش أربط بين الحرية وبين اللي بيقولوه أو بيعملوه ماعلينا المهم إني كنت بأمني نفسي إن ف الجامعة الموضوع كله ح يختلف .. لكن للأسف نسيت موضوع مهم جداً .. إن زميلاتي ف المدرسة وف الفصل هما نفسهم أو زيهم اللي ح يكونوا معايا ف الجامعة .. واللي زاد الطين بلة .. موال الاختلاط مع الشباب .. وتفسير الطرفين لفكرة الاختلاط دي بصراحة يعني .. لقيت العملية أنيل بكتير .. للأمانة ومن باب الحياد لقيت أن الولاد حصلت لهم حالة استسلام غريبة للأمر الواقع ... ولفكرة أن كل البنات زي بعض .. وان كله رسم ف رسم دي بترسم الأدب ... ودي بترسم التؤل ... ودي بترسم التدين ووووووووووووووو المهم .. طبعاً موال التعليم والغرض من المرواح للجامعة من أصلو مفقود مفقود ياولدي أو تقدروا تقولوا مدفون .. أو ميت ... أو قتيل ... أو محروق بجاز .... ماعلينا وطبعاً سمعت نفس التعليقات اللي كنت بسمعها من زميلاتي بس المرة دي من العيار التقيل .. آخرهم تعليق عجبني أوي ... واحدة سألتني هو انتي ياهايدي م سكان قاهرة المعز لدين الله الفاطمي ؟؟؟ يعني عايشة ف القاهرة ؟؟وكأني بأروح الكلية راكبة جمل !!!!! هو انتي جيتي الكلية هنا .. منحة ؟؟ ههههه تبرع يعني من عباد الله الطيبين وياسلام لما عرفت ان أختي بتدرس ف الـ GUC...كانت أكبر مفاجأة ليها وكأنها شافت المعجزة التامنة ... وبحلئتلي شوية ... وووووو أختك خدتها منحة ؟؟؟ اصلو يعني معقول انتو يعني .. ولامؤاخذةبمنظرك الفلح ده .. عندكو فلوس تدخلوها هناك ؟؟ فيعني أنا ولا مؤاخذة ... ومن باب برضو الحرية اللي معلقين فيها قلت أفهم يعني إيه منظري الفلح ؟؟؟ سألتها كده على استحياء .. خفت لاسمح الله تتهمني بالغباء .. كمان بصتلي من فوق لتحت كده .. لا من تحت لفوق وقالت لي ... يابنتي ..انتي مش شايفة انتي لابسة ازاي ؟؟؟؟قلتلها : ازاي ؟؟؟ قالتي : في حد ابن ناس ... ف زمن الحريات والعولمة والانترنت يلبس لبسك ده بصراحة وإحقاقاً للحق مافهمتش ايه علاقة لبسي بالحرية والعولمة والانترنت ؟؟؟ بس برضو احقاقاً للحق ... تقدروا تقولوا عليا غبية لأنو رغم انها تعبت نفسها وشرحتلي ... إلا إني مازلت مش فاهمة و...عجبي ......................... وتصبحو على خير