تؤ تؤ تؤ .....
السلام عليكم ورحمة الله وبركاته
كيف حالكم ياجماعة ؟؟ أسأل الله العليّ القدير أن تكونوا بأتم صحة وأسعد حال
ــــــــــــــــــــــــــ
البوست ده إهداء للأستاذ / أحمد الصباغ صاحب مدونة خالو أحمد
شكر ليه على مؤازرته المستمرة ليا .. واستكمالاً لموضوع كتبه بعنوان
طمـــوح إلكترونى
شخشخ الكى بورد يا سيد
قولوا بسم الله
حد منكم فكر كده لو اتيحت له فرصة إنه يعيش ف عالم آخر ... ح يعمل إيه ؟؟؟
ناس كتير اتيحت لهم الفرصة دي ... حتى أنا كماااااااااان !!!!!!
يم يم يم يم
بس بس استنوا عليا ... قبل مايوصل لدماغكوا استنتاجات مش ( صح ) عني
ح احكيلكم اللي حصل ... بس لازم تقولوا لي رأيكم ف اللي ح تسمعوه ...
سواء اتفقتوا معايا أو اختلفتوا .... ماشي ؟؟؟؟
ـــــــــــــــــــــــــــــ
ياجماعة أنا كنت قاعدة ف أمان ربنا ومش على بالي حاجة ...
جات واحدة جارتنا ... تزورنا
وبعد السلامات والترحيب .. قعدنا ناخد و ندي في الكلام
كلمة من هنا وكلمة من هناك .. شفتوا سايت الفيس بوك ... ؟؟
شفتوا مجاميع الكليات السنة دي وصلت للسما ازاي ؟؟ تعرفوا صاحبتي جابت 97% ماجالهاش اي حاجة الا تجارة ..
ااااه استنوا استنوا انا ح احكيلكوا عن موضوع قنبلة ...
سمعتوا عن حاجة اسمها العالم التاني ؟؟؟؟
أختي لأن دماغها كلها أحياء .. ومتنفسات ولعبكات علمية ..
قالت لها .... أصدك الجنس التاني والتالث ؟ ؟؟
لأ لأ ... ياسمر
طب أصدك فكرة الحياة على كوكب المريخ ... ولالالا ؟؟؟
يابنتي لأ ... أن بتكلم عن
السلام عليكم ورحمة الله وبركاته
كيف حالكم ياجماعة ؟؟ أسأل الله العليّ القدير أن تكونوا بأتم صحة وأسعد حال
ــــــــــــــــــــــــــ
البوست ده إهداء للأستاذ / أحمد الصباغ صاحب مدونة خالو أحمد
شكر ليه على مؤازرته المستمرة ليا .. واستكمالاً لموضوع كتبه بعنوان
طمـــوح إلكترونى
شخشخ الكى بورد يا سيد
قولوا بسم الله
حد منكم فكر كده لو اتيحت له فرصة إنه يعيش ف عالم آخر ... ح يعمل إيه ؟؟؟
ناس كتير اتيحت لهم الفرصة دي ... حتى أنا كماااااااااان !!!!!!
يم يم يم يم
بس بس استنوا عليا ... قبل مايوصل لدماغكوا استنتاجات مش ( صح ) عني
ح احكيلكم اللي حصل ... بس لازم تقولوا لي رأيكم ف اللي ح تسمعوه ...
سواء اتفقتوا معايا أو اختلفتوا .... ماشي ؟؟؟؟
ـــــــــــــــــــــــــــــ
ياجماعة أنا كنت قاعدة ف أمان ربنا ومش على بالي حاجة ...
جات واحدة جارتنا ... تزورنا
وبعد السلامات والترحيب .. قعدنا ناخد و ندي في الكلام
كلمة من هنا وكلمة من هناك .. شفتوا سايت الفيس بوك ... ؟؟
شفتوا مجاميع الكليات السنة دي وصلت للسما ازاي ؟؟ تعرفوا صاحبتي جابت 97% ماجالهاش اي حاجة الا تجارة ..
ااااه استنوا استنوا انا ح احكيلكوا عن موضوع قنبلة ...
سمعتوا عن حاجة اسمها العالم التاني ؟؟؟؟
أختي لأن دماغها كلها أحياء .. ومتنفسات ولعبكات علمية ..
قالت لها .... أصدك الجنس التاني والتالث ؟ ؟؟
لأ لأ ... ياسمر
طب أصدك فكرة الحياة على كوكب المريخ ... ولالالا ؟؟؟
يابنتي لأ ... أن بتكلم عن
Second life
الحياة الثانية .... لعبة ... لعبة اسمها كده
طبعاً إحنا عشان ماما دايما تقول .. اكبروا شوية
الكارتون والجيمز بيخربوا عقولكم وبيضيعوا وقتكم .. اللي ربنا ح يحاسبنا عليه ..
عملتوا بيه ايه ياحلوييييين ؟؟
حضراتنا طبعا رجعنا لورا كده .. وقلنا لها بـ ( تقل ) .. آآآآآآآآآه لعبة ةةةةةةةةةةة
بس برضو منظر البنت بان عليها إنها نفسها تحكيلنا .. أكيد الموضوع مهم
سألتها ... يعني لعبة كده زي توم رايدر .. وبرنس اف باريس ؟؟
قالت لأ لأ لأ
دي حاجة تانية خالص ...
قلنا نشنف آذاننا .. ونسمع
أهو من باب العلم بالشيء .. هاتي ماعندك ياشهرزاد ..
بصوا ياجماعة وباختصار كده ...
اللعبة دي ابتكرتها شركة ليندن لابس 2003
عبارة عن عالم افتراضي اشخاصه عاملين زي اللي موجودين ف الالعاب ثلاثية الابعاد
لكن الفارق ان الشخص يقدر يتفاعل ويتعارف ويعبر عن نفسه
ازاي ؟؟؟
يدخل يسجل على الموقع ويختار لنفسه اسم وشخصية والشكل اللي عايزه وكمان يلبس اللبس اللي عايزه
ويبتدي يتعلم المشي ثم الطيران ...
ويبتدي يدب ف أرضه ويدور على رزقه يشتغل ويكسب .. ويشتري البيت اللي هو عايزه لما يختار مكانه
وطبعا العالم ده ليه عملته الخاصة بيه الدولار ليندن
وكمان ليه اقتصاده الجبار وفي شركات ومؤسسات كبيرة من اللي ليها اسمها ف سوق الاقتصاد عاملة فروع هناك
عدد سكان العالم هناك اتعدو 3 ملايين نسمة افتراضيين ...
يم يم يم
... قلت أقوم ع الشبكة المعنكبة .. وأعمل بحث وأشوف ايه حكاية السكند لايف دي ؟؟
لقيت كلام البنت صحيح ..
لأ وكمان لقيت ان فكرة السكند لايف راجت ونجحت لدرجة انها امتدت من الأشخاص للوكالات ..
وكالة رويتر عاملة مكتب افتراضي هناك وكمان الاذاعة الاسترالية ..
واصبح هناك تمثيل دبلوماسي وسياسي .. تخيلو !!!!
جزر الملديف والسويد افتتحتا سفارتين افتراضين هناك
لأ وشوفوا كمان لما قلبت ف جراب الحاوي .. أصدي ف الشبكة المعنكبة
خبر بيتكلم عن الدعوة الإسلامية هناك .. في السكند لايف .. وان ليها نشاط
لدرجة وجود داعية إسلامي هناك لنشر الدعوة ..
الحياة الثانية .... لعبة ... لعبة اسمها كده
طبعاً إحنا عشان ماما دايما تقول .. اكبروا شوية
الكارتون والجيمز بيخربوا عقولكم وبيضيعوا وقتكم .. اللي ربنا ح يحاسبنا عليه ..
عملتوا بيه ايه ياحلوييييين ؟؟
حضراتنا طبعا رجعنا لورا كده .. وقلنا لها بـ ( تقل ) .. آآآآآآآآآه لعبة ةةةةةةةةةةة
بس برضو منظر البنت بان عليها إنها نفسها تحكيلنا .. أكيد الموضوع مهم
سألتها ... يعني لعبة كده زي توم رايدر .. وبرنس اف باريس ؟؟
قالت لأ لأ لأ
دي حاجة تانية خالص ...
قلنا نشنف آذاننا .. ونسمع
أهو من باب العلم بالشيء .. هاتي ماعندك ياشهرزاد ..
بصوا ياجماعة وباختصار كده ...
اللعبة دي ابتكرتها شركة ليندن لابس 2003
عبارة عن عالم افتراضي اشخاصه عاملين زي اللي موجودين ف الالعاب ثلاثية الابعاد
لكن الفارق ان الشخص يقدر يتفاعل ويتعارف ويعبر عن نفسه
ازاي ؟؟؟
يدخل يسجل على الموقع ويختار لنفسه اسم وشخصية والشكل اللي عايزه وكمان يلبس اللبس اللي عايزه
ويبتدي يتعلم المشي ثم الطيران ...
ويبتدي يدب ف أرضه ويدور على رزقه يشتغل ويكسب .. ويشتري البيت اللي هو عايزه لما يختار مكانه
وطبعا العالم ده ليه عملته الخاصة بيه الدولار ليندن
وكمان ليه اقتصاده الجبار وفي شركات ومؤسسات كبيرة من اللي ليها اسمها ف سوق الاقتصاد عاملة فروع هناك
عدد سكان العالم هناك اتعدو 3 ملايين نسمة افتراضيين ...
يم يم يم
... قلت أقوم ع الشبكة المعنكبة .. وأعمل بحث وأشوف ايه حكاية السكند لايف دي ؟؟
لقيت كلام البنت صحيح ..
لأ وكمان لقيت ان فكرة السكند لايف راجت ونجحت لدرجة انها امتدت من الأشخاص للوكالات ..
وكالة رويتر عاملة مكتب افتراضي هناك وكمان الاذاعة الاسترالية ..
واصبح هناك تمثيل دبلوماسي وسياسي .. تخيلو !!!!
جزر الملديف والسويد افتتحتا سفارتين افتراضين هناك
لأ وشوفوا كمان لما قلبت ف جراب الحاوي .. أصدي ف الشبكة المعنكبة
خبر بيتكلم عن الدعوة الإسلامية هناك .. في السكند لايف .. وان ليها نشاط
لدرجة وجود داعية إسلامي هناك لنشر الدعوة ..
وان فيه مسجد هناك للمسلمين الافتراضيين عشان يؤدوا فيه صلواتهم
لأ وشوفوا ... ثلاث مسيحيين أسلموا هناك وأشهروا اسلامهم داخل المسجد ونطقوا بالشهادة
لأ وايه كمان .. انتشرت هناك بين السكان الافتراضيين حاجة سماها العلماء النفسيين اسلاموفوبيا
يعني ايه ...؟؟ السكان هناك اصابتهم فوبيا .. من الاسلام والاسلاميين وتعرضوا للمسلمين هناك ..
بالسباب والشتائم ووصلوا لحد اغتصاب البنات المسلمات الافتراضيات هناك
خبر تاني قريتو وهو سقوط قنبلة ذرية على مبنى الاذاعة الاسترالية الافتراضية
وان جماعة سمت نفسها جماعة جيش تحرير سكند لايف الافتراضية أعلنت مسئوليتها عن الحادث
ولقيت .. ولقيت .. ولقيت
اشي تجارة واقتصاد وبيع عقارات وبيوت أزياء وموضة
وماعرفش ايه تاني ..
لأ وزاد وغطى .. البوست بتاع أستاذ أحمد الصباغ
قلت قبل ماعقلي يشط مني
أروح على أحبائي في الله سبحانه وتعالى
مين غيركم يلحقني وأحط كل تخريفاتي هنا
وأسيبكم انتو تردوا عليا
ياجماااااااااااااااااعة
أيهم أولى بالدعوة الإسلامية ونصرة الاسلام .. الحياة الأولى
حياتنا الحقيقية اللي عايشناها واللي ح نتحاسب عليها ...
ولا الحياة الافتراضية .. اللي أثبتت البحوث والدراسات النفسية
ان معظمهم بيكونوا أشخاص على غير حقيقتهم
وان لجوءهم للسكند لايف نوع من الهروب من حياتهم الحقيقية
وانهم بيعملوا تصرفات مش دايماً بتكون عكس تصرفاتهم
يعني مش الغير مسلم ح يستنى لما يروح السكند لايف عشان يسلم .... ؟؟؟
مش أحسن لو ... نكرس اهتمامنا بتقويم أنفسنا ومجتمعنا
واصلاح شأننا حتى نستطيع أن نكون حقاً ..
( أمة محمد صلى الله عليه وسلم ) ؟؟
ياجماعة ... طيب تفتكروا ده مش قمة تضييع الوقت ..
اللي رب العزة ح يحاسبنا عليه ويقولنا :
عملتوا ايه بوقتكم .. أنا خلقتكم لعبادتي وعمارة الأرض
طيب ايه من السببين دول حققناه في سكند لايف ؟؟
اللي أعلنوا إسلامهم في سكند لايف دول ياترى
كان تصرفهم حقيقي ولاكان افتراضي هو كمان ؟؟
اشمعنى يعني ح نهلل باسلامهم ونفرح ونفترض صدقه
في عالم كله مبني على الخيال والافتراض
وآخر تساؤل ليا وياريت ألقى حد يتبرع ويسألنا حد من علمائنا الأجلاء
إيه رأي الشرع في الحياة دي ؟ وهل الداعية فيها مأجور على عمله ؟
وهل الإسلام يشجع على مثل ذلك الأمر ؟
ولا إيه رأيكم ؟؟؟؟
في انتظاركم جميعاً ...
وياريت لو سمحتو اللي يضيف كومنت ..
يختار الاجابة المناسبة في الاستفتاء اللي في التول بار
ـــــــــــــــــــــــــــــــــــــــــــــــــــــــــــــــ
تحياتي للجميع
هايدي
هناك ٣٣ تعليقًا:
عرض أكثر من رائع يا هايدي
ربنا يكرمك يا رب
يعني نقلتينا من هنااااااك لهنا في ثواني
ونظرتي نظره عاقلة جدا للموضوع
لا ونظره كمان مش واقعيه وبس
لا كمان دي متصلة بربنا كمان
ربنا يرزقك الاخلاص والعمل والفهم يا رب
ولو هتتكلمي عن الهروب
هو عالم النت أساسا لوحده هروب كبير كمان
والله في ناس حياتها النت وفقط
ومن غير الحياه التانيه اساسا
بل والحياه التانيه لو فيها حاجه جديده وعناصر جذب طبعا هتلهي أكتر
يعني مثلا ممكن الواحد يقول انا هدعي لربنا عالنت في الشات والمنتديات والمدونات وغيرها مع ان اخوه مثلا او جاره مبيصليش ولا هو بيكلموا
احيانا بنحب نكون اشخاص غير نفسنا وخاصة قدام الناس اللي مش شافونا
كل واحد بيظهر نفسه بطريقه معينه عالنت اكيد بيجملها كتير عن الواقع
كما قلت
طرح وعرض أكثر من رائعين
لك خالص تحياتي
انا سمعت عن الموضوع ده قبل كده
وشرحك كويس يا هايدى
وعلى فكره انا صوت
والتصويت عندكم هايل جدا
بدون بطاقه انتخاب
وبدون تزوير
وبدون حبر سرى
وفى حاجه تانيه استنى
الصوره المرفقه جميله
السلام عليكم
والله يااستاذة من غير كلام كتير
كل الناس تبحث عن عالم مثالي جميل يريضيها في المقام الاول
وذلك هروبا من واقعها الاليم فتفعل مثل هذا ولن يرضي الانسان بهذا العالم لانه مخلوق متعب الصراحة
يقول تعالي:(وكان الانسان اكثر شئ جدلا)0
سنظل هكذا نبحث عن عالم يرضي اهوائنا ورغباتنا ولكن مثل هؤلاء الذين عاشوا في هذه العوالم التي لم تتحق ماهم الا بعض من المغيبون عن الكون
اما مسئلة النت دي فاللي يعيش ياما يشوف خليهم يعملوا ميت عالم اخر وميت كوكب اخر
سيظل خيال مادام لم يمس ارض الواقع ويكون جزء منها
مدونة جميلة يااستاذة
والسلام
صوت يا فندم
هو الفكرة دي أصلها موجود في الألعاب بس وسعت شوية منهم وأنا دخلت الموقع أول ظهور الفكرة وهربت فورا حفاظا على وقتي
وعرضك للموضوع المبدئي أحسست أنك تروجين له ومن ثم عدت بنا للنظرة المتوازنة وأقول أن نفس الانترنت إذا لم تكن متوازية مع الواقع فإنه يكون حياة وهمية يعيش فيها الشخص بشخصية مختلقة زائفة يعطي نفسه من المسكنات ويهيء لنفسه انه ينجز ولابد أن ترتبط بالواقع جيئة وذهابا
هذه العوالم ربما تنفع في فكرة دراسة السيناريوهات وذلك من أجل الاستفادة منها في الواقع وليس هذا لكل أحد يعني لا يصح مثلا شخص ضعيف في الدين يجلس يقول أتمرن على الدعوة بل يستفيد أكثر من وقته في الواقع
وي النهاية ستجدين أن من يستفيدون من مثل هذه الأفكار هم فقط أصحاب الأموال وأصحاب السياسة الذين يأخذون منها المؤشرات لعالمهم الحقيقي
استاذه هايدي
حمد الله علي السلامه
موضوع شيق
وطريقه عرضك ممتازه
بس!1
الانسان هيقف بين يدي الله هيحاسب علي كل شيء
ومن الحجات اللي ربنا هيحاسبه عليها عمره فيما افناه وشبابه فيما ابلاه
فتخيلي واحد عايش حياه تانيه هيقول ايه
طب والحياه اللي ربنا خلقهلنا لينظر فيما نحن فاعلون هنسبها ازاي
طبعا انا ضد الفكره بكاملها من المنطق والعقل اما من حيث الشرع الله اعلم
وجزاكم الله خير
والله ده مما عم به البلاء
انا اول مرة اسمع عن الموضوع بصراحة
لكن
رد بسيط انت قلتيه فى التدوينة
وهو راى والدتك فى العاب الفيديو دى
فعلا هى بتخلى العقل عايش فى دنيا تانية خالص بعيدة عن الواقع
ورايى انه يجب عدم الاتفات لهذه العاب بل محاولة التعريف باخطارها
زى ما حضرتك عملت
جهد مشكور
وربنا ينفع به وبك
والسلام
صديقتى واختى الجميلة هايدى
بجد مش عارف اقولك ايه
اقولك شكرا على الاهداء
ولا اقولك شكرا على الموضوع الفظيييع ده
بجد انا حسيت ان دماغى هطير
وحسيت ان عشت حلم كبير
ودماغى قعدت تلف بافكار ثلاثية الابعاد :)
هو بصى انا لما قريت الاستبيان اللى فى السايد بار حسيت فى الاول ان اقرب اجابة هى
انه ابتداع يهودى
بس انا حاسس ان الموضوع ده مش مجرد المغزى منه اننا نعلق ونقول ده تضيع وقت او ابتكار يهودى
لان العالم الجديد طالعنا بحاجات كان الكلام عنها فى الماضى درب من دروب الوهم
لكن صارت اليوم اشياء تفيد البشرية
زى طلوع الفضاء مثلا
ربما فى الماضى لو كلمتى حد عنه كان يقولك ده عبط وتضيع وقت وهنستفيد ايه لما نطلع القمر
ايضا اظن ان فكرة السكند لايف دى لها ابعاد اخرى
مش عارف هى ايه بالظبط
بس مثلا التخطيط لمدن جديدة
او التخطيط المستقبلى للعالم
او التخطيط لاشياء افتراضية
بصى
انا هريح ذهنى يوم كدة وهقرا البوست تانى وهقعد افكر كدة واعلق تانى
لان الموضوع ده حاسس انه مهم شوية
فاسمحيلى ابقى اجاى ازعجك تانى
:)
لى عودة
تحياتى
عزيزتى
كل الناس ساعات بتتخيل انها فى دنيا تانى سواء فى حلم او حلم يقظة ونتصور نفسنا فى مكان او زمان او مع حد صعب نكون فيه او معاه يعنى هى لعبة بنحلم فيها بشئ بس بصورة لعب
كان نفسى بتقوليش راى الشرع ايه لان الشئ ده تافه جدا ومزدش على انه لعبة مش عاوزين كل شئ نسأل فيها فى دينا لان فى حاجات واضحه ايه الحرام اللى فيها وايه الحلال ومش عاوززه سؤال لرجل دين خالص
موضوع جميل ومعلومات حلوة
سلام
موضوع غريب اوى
اول مرة اسمع عنه
انا بالنسبالى شايفاه انه مش اكتر من مجرد لعبة
بس معرفش هلى فعلا اللى اشهر اسلامه فى اللعبه دى
اشهر اسلامه فى الحقيقة
هل هو فى الحقيقة نفسه يشهر اسلامه وخايف من المجتمع اللى عايش فيه
فاشهر اسلامه فى اللعبة دى
نوع من انواع عدم مواجهة الاخر
معرفش هل اساس الشرع ينفع يقول كلمته فى حاجة زى دى
على اساس انها لعبة
انا بصيت على التصويت وكنتى عاملة اربع اختيارات
انا عن نفسى ميالة للاختيارين الاخرين اللى هما تضيع وقت وفى نفس الوقت نوع من الهروب من الحقيقة
بس عارفة يا هايدى
مش عارفة ليه
لما قريت موضوعك
قلقت على ابنى
معرفش ايه سبب القلق
يمكن لانى بخاف اوى من التقدم التكنولوجى الغريب والفظيع والسريع جدا
وعلشان كدة خوفت عليه وقعدت اسال يا ترى لما يكبر هتكون فيه ايه العاب على ايامه
وياترى هتكون الالعاب دى تاثيرها ايه عليه
ياترى تاثير سلبى ولا ايجابى
عموما موضوع يستحق التفكير فعلا
شكرا لانك خلتينا ناخد بالنا من اللى بيحصل حوالينا
اختك خيخة
السلام عليكم ورحمة الله وبركاته
لا اللعبه دى كارثه انا ما شوفتهاش بس سمعت عنها ودلوقتى من كلامك اولا دى حرب علينا تضيع وقت ومساعده على الهروب من الواقع بدلا من تغييره
والانفصال عن المجتمع والتعايش مع اللعبه تماما وكلا تبع سعة خياله
حلو اوى الموضوع وجزاكى الله كل خير
والسلام عليكم ورحمة الله وبركاته
السلام عليكم
لكي عندنا تاج يااستاذة
تعالي استلميه
والسلام
يا حاجة هايدي ازيك
ما شاء الله أول واحدة اشوفها في البلوجرية بتتكلم على السكاند لايف
ممتاز جدا، ايوة كده عاوزينكم انتم تفكروا لبكرة، أمبارح خلاص عدى
على فكرة اسلام اونلاين عاملين ملفات ممتازة عن السكاند لايف عندهم، وخاصة اليومين دول عن الحج
الحقيقة شغلهم هايل جدا
شدي حيلك يا فندم وخليكي المندوبة بتاعتنا هناك
أشوفك على خير ان شاء الله
احمد
السلام عليكم ورحمته وبركاته
أكرمك الله ياأستاذناالجليل
مشكور علي رأيك
عارف حضرتك أن في الإترفيو بتاع
الكلية الدكتور سأل ولد يعرف ايه عن النت تخيل حضرتك رد عليه و قاله أنه بيتكلم علي الشات لمدة 14 ساعة
هو ده جيل المستقبل.......
شكراً علي تصويتك
دلوقتي أنت شوقتيني
عشان أعرف أنتِ
اختارتي ايه
منتظر صورتك الجميلة
يا فرنسا هانم
أستاذنا الفاتح اليعقوبي
لو الإنسان تذكر انه
يرمي حموله علي ربه
ماكنش ده بقي حالنا
وشكرا لكلامك القليل المعبر
عصفور المدينة
اتفق معك في انها مضيعة للوقت
قد تكون مفيدة في هذا المجال
و لكن الله أعلم
كماقلت فليس كل شخص
مؤهل للدعوة وخاصة علي
الإنترنت......
صدقت يا أستاذ الفاتح الجعفري
هو الواحد قادر علي عمل الحياة
الحقيقية لما يعمل حياة تانية افتراضية شكرا علي رأيك
أكرمك الله و أعزك يا أبوسويلم
فعلاً أنا أحب رأي أمي
لأنها(في اعتقادي)ما فيش زايها
شكراً علي تعليقك الجميل
يا أستاذي القدير أحمد الصباغ
أنا أهديت لك هذا الموضوع
لانك وقفت جانبي في المدونة
وشجعتني كتير وحضرتك أول رد جالي في المدونة
انا معك في انه موضوع ما يتسكتش عليه
وشكراومنتظرة عودتك بفارغ الصبر
السلام عليكم ورحمته وبركاته
أولا شكرا علي تعليقك
ثانيا لازم نسأل الشرع في كل حاجة لان هو ده المفروض
لانها ممكن تكون حاجات ضغنونة
لكن تودي في داهية
هي فعلا مش اكثر من لعبة
لكن بالنسة لشباب اليومين دول هي
اكتر من مجرد لعبة
وذكر الشرع كان لتوضيح
الفكرة وانا مع حضرتك
انا لازم نخاف علي ولادنا
وربنا يوفقك في تربية ابنك
ان شاء الله
وشكرا علي مرورك وتعليقك
أختك هايدي
وعليكم السلام ورحمته وبركاته يا مؤمنة
والمشكلةان الشركة بتكسب منها مليارات
والأنكت من كدة ان فيها وظائف خالية افتراضية لجذب الشباب
أكرمك الله وأدخلك فسيح جناته
مشكور علي تعليقك يا أستاذ أحمد
و جاري الإطلاع علي إسلام أونلاين
والله الموفق إن شاء الله
السلام عليكم ورحمة الله و بركاته
والله وأنا سعادتي اكتملت بإهداء هذا التاج الى و فعلا متشكرة جدا علي الثقة اللي حضرتك وضعتها فيا
وإن شاء الله أكون عند حسن ظنك
يا أستاذي الفاتح اليعقوبي
السلام عليكم يا هايدى
انا ياسمين صاحبة سمر من GUC
كل سنة وانت وسمر طيبين
علي فكرة يا جماعة هايدى وسمر عيد ميلادهم اقصد يوم عيد ميلادهم (مش عارفة ليه يا هايدى سمر قالتلي ان احتفالها هو الصيام مش الحفلة وانها تشكر ربنا وتحمده علي نعمة الحياة والروح وعلي فكرة اختك روحة حلوةودة مش هزارولا ترية وقالتلى ما قلش لحد لكن يظهر كدة اني فضحتها)ونرجع للموضوع الاصلي يوم ميلاديهم كان الاحد 9/12الفائت
عليكم السلام ورحمته وبركاته
شكرا علي مروركِ و ردكِ
فعلاً يا ياسمين يوم الميلاد للإحتفال به
المفترض أن الواحد يصوم و يشكر ربه
أكرمك الله وأعزك و رزقك فسيح جناته
وأرجو منك قول كل عام وأنت في
خدمة ربك و دينك
والسلام عليكم ورحمته وبركاته
بعد السلام
اعتقد ان سكند لايف ماليهاش وجود
اعتقد انها فكرة لمجرد كونها لعبة
لعبة صنعها الانسان بخيالة و تفكيرة
ع يهرب من الواقع المشين اللى عايش فية
ممكن تبقى فيلم ف يوم من الايام
ممكن مسلسل
انما الواقع
_دة بقى رابع المستحيلات بمعنى الكلمة_
انا من رايى
الاسلام فكر ثم عمل و بناء
مش فكر ثم الدرج ثم النوم
تحياتى
شخابيط
الفن .... أرحب من أن نحجزه داخل إطار
أنا بصراحة قرأت ليكى مقالتين واحدة فىمدونة شخابيط و الثانية فى مدونة ارسم بالرصاص و استغربت منك جدا، واحدة بتناصرى فيها الفن بشكل عنيف و قسمتى الناس على مزاجك ناس بتفهم و ناس مبتفهمش، بعد كده قرأت كلامك عن الحياة الأخرى سكند لايف و تحدثتى عنها كأنها تضييع للوقت الذى سنحاسب عليه و إن الدعوة فيها افتراضية و ليست حقيقية. مش عارف انت ماحستيش بتناقض شوية؟
أولا بالنسبة لموضوع الفن أنا رأى فيه إنه علم ينقسم لقسمين، الأول يختص بكيفية توفير بيئة بصرية جميلة و مريحة للعين و النفس، و منها ما يستخدم لتوجيه الفكر و العقل، أما الجزء الثانى قد يكون مغلق على المختصين بالمجال و مثله مثل أى مجال تخصص ليس المطلوب من العامة أن يعرفوا دقائقه و تفاصيله.
ثانيا بالنسبة للسكند لايف إيه المانع من الدعوة فيها حتى لو كانت افتراضية. أنا للأسف لم ييسر لى زيارة سكند لايف. لكن رأى أن الدعوة ليست مجرد كلام و لكنها أسلوب و نظام للحياة و التواصل مع الآخرين، و يجب ألا نحددها بمكان و زمان بل يجب أن تكون الدعوة مستمرة فى كل مكان و زمان عن طريق الأفعال، فقد تتيسر عن طريق سكند لايف قنوات تواصل غير متوفرة فى فى الحياة الفعلية، أما عن التدين الافتراضى فالله أعلم به حتى و لو كان فى العالم الحقيقى. و أذكر هنا قصة لعالم جليل كان يلقى دروسا فى أحد المساجد، و اتفق مجموعة من اليهود أن يحضروا دروسه و يجادلوه ليفسدوا مجلسه، فذهبوا ليفعلوا. عندما جلس العالم مجلسه رأى وجوها لم يعرفها و كانت ثيابهم مخالفة لمريديه، فارتاب منهم، و لكن ماذا فعل؟ قبل أن يبدأ الدرس أمر لهم بثياب مثل باقى طلبة العلم و أمر لهم بعمامات حتى يكون شكلهم لائق بالمجلس، لاحظى حتى الآن هو يغير ظاهر، بعد أن ألبسوا ثياب طلبة العلم لم يبدأ الدرس و لكن قال من أجل الطلاب الجدد سنبدأ بصلاة ركعتين سنة لله تعالى حتى يتهأوا لدرس العلم. فى الصلاة أثناء السجود دعى الله بشدة قال اللهم إنى غيرت بقدرتى ظاهرهم فأسألك بقدرتك أن تغير قلوبهم حتى توافق ظاهرهم. يقال أنه بعد أن أتم الصلاة ظهرت استجابة الدعاء فأعلن اليهود المتآمرين إسلامهم.
فى هذه القصة لم يستخدم العالم أى من أساليب الهجوم أو الدفاع و لم يستخدم الدعوة الشفوية.
هذا ما أردت أن أشير إليه حيث أظن أن الدعوة، حتى من المعنى اللغوى، هى عملية نقوم بها تجاه من هم بالخارج حتى يكونون فى الداخل، و هذا الخارج مفتوح و مطلق. أما إذا كانت الدعوة فى الداخل فلن تضيف جديدا بل سيظل من بالداخل بالداخل و من بالخارج بالخارج. هذا و الله أعلم، و هدانا الله جميعا إلى ما فيه الخير
السلام عليكم ورحمته وبركاته
اتفق معك يا أستاذ كفراوي
و أقدر رأيك وأحترمك
أدخلك الله فسيح جناته
أمينننننننننننننن
تحياتي
هايدي
السلام عليكم ورحمته وبركاته
أهلاًوسهلاً بحضرتك في المدونة بتاعتي
الصراحة أنا لا أري أي تعارض بين الموقفين لأن بكل بساطة
الموقف الأول في شخابيط:لكل منا قناعات في الفن و في حياته العامة(وهذا ما ذكرته في بداية الموضوع)وأنا لم أقسم الأشخاص علي مزاجي أو ذوقي بل ذكرت رأي (أنا مقتنعة به)يمثل واحد في المليون من أراء كثيرة في الفن
كما أن حضرتك قسمت الفن إلي قسمين
وبدون ما تشعر قسمت المتلقي إلي نوعين أو حسب مزاجك...........أيضاً
الموقف الثاني في ارسم بالرصاص:السكند
لايف لعبة (ضارة بالصحة)ولا تعتبر في مجالات الفن أو أي من تقسيماته و أنا لا أشعر بأي تناقض!!!!!!!!!!ولاحتي شوية
أعترض مع حضرتك بشدة في نقطة أن ليس هناك مانع من الدعوة إلي الإسلام علي هذة اللعبة لأن الدعوة ليست مجرد كلام
و لكنها أسلوب و نظام للحياة و التواصل مع الآخرين(كما قلت)وكذلك
فلا يصح أن نستخدمهافي لعبة
وعلي ما أظن فهناك قنوات فضائية علي التليفزيون(قنوات تواصل)تسمح بنشر الدعوة الإسلامية علي حق وهناك أيضاً مواقع متخصصة في ذلك مثل(موقع إسلام أونلاين)كما أن الدعوة مستمرةفي كل مكان و زمان عن طريق الأفعال(كما قلت حضرتك)ولكن يجب أن نحددها بمكان و زمان
فلا نستطيع أن ندخل إلي (كافيتريا بتاعة
اليومين دول)وندعو فيها للإسلام والدين
والغريب أني عندما دخلت علي موقع اللعبة لم أجد دعوة للمسحين أو لليهود
أعجبتني كثيراً قصتك
وأرجو من الله أن يجعلك في خدمة دينك
ويوفقك لما يرضيه
أمين
تحياتي
هايدي
السلام عليكم ورحمة الله وبركاته
بدعوكى لمشاركتنا فى المناقشه حول بوست ولماذا قالوا
والسلام عليكم ورحمة الله وبركاته
السلام عليكم ورحمته وبركاته
مشكورة علي الدعوة
وتم الإطلاع علي الموضوع
وإن شاء الله
لي تعليق كبييييييييير
والسلام عليكم ورحمته وبركاته
هايدي
والله على الرغم من انى كنت فاكر انى باعرف فى النت كتير الا انى اول مره اعرف موضوع السكند لايف ده
بس عموما ردى على الحكايه دى حاجه واحده بس
هو احنا ناقصين عزله علشان كمان نعيش حياه افتراضيه يعنى وهميه وننعزل عن الواقع اكتر
إرسال تعليق