٣١‏/١٠‏/٢٠٠٧

إلحقـــــــــــــــــووووووناااااااااااااااااااا











إلحقونااااااااااااااااا



سرقوا الأرض ... وسرقوا الثروات .. ودبحوا وقتلوا وارتكبوا جرائم حرب

وسكتنا ... لأ لأ صرخنا وقلنا جاااااااااااااااي ... جااااااااااااااااااي الحقونا

لا لحقنا نفسنا ...

ولا حد لحقنا ...

طيب فين الجديد ..

الجديد ف


( قوس الحياة )

أو

( أرش دو زوي ) (Arche de Zoé)

وهي

منظمة فرنسية غير حكومية عمرها سنتان، وأعلنت عن نشاطها في إندونيسيا منذ بداية 2005

ثم أحدثت ضجة إعلامية مع نهاية أكتوبر/تشرين الأول 2007 لما ضبطتها السلطات التشادية

وهي بصدد محاولة خطف أزيد من 103طفل تشادي وسوداني ( مسلمين ) وتهجيرهم لفرنسا.

المنظمة كانت تعمل

تحت شعار

"أنقذوا أطفال دارفور في الوقت المناسب فسيموتون خلال أشهر".



للإطلاع على الخبر كامل من موقع الجزيرة

اضغط على الرابط

تشاد تحيل 16 أوروبيا للقضاء بقضية خطف أطفال دارفور



محاولة الخطف دي ماهي إلا صورة جديدة من صور تجارة الرقيق

ياترى الهدف ايه

محاولة تنصير ومسخ الهوية الإسلامية لهؤلاء الأطفال ؟؟

اتجار ف اعضاء الأطفال ؟؟

بيع الأطفال للأسر الراغبة في التبني ؟؟

إحياء زمن العبودية ؟؟

ياترى .. ده اسمو إرهاب ولا اسمو طبطبة ؟؟


طيب ياجماعة .. إحنا فين .. فين ؟؟؟؟

فين منظمات الإغاثة الإسلامية ؟؟ كانت فين لما وصلوا لأطفالنا ؟؟

طيب اللي حصل حصل وخلاص

دلوقتي إحنا فين دورنا ؟؟

ح نعمل إيه ؟

ح نقف نتفرج برضو ونشجب ونستنكر ..

وترجع مآساة أطفال الصومال تتكرر

كام مائة ولا كام ألف طفل صومالي ( مسلم عربي ) اتنصر ؟؟؟

ياجماعة ... حرام والله .. إمتى نفوق .. إمتى ؟؟؟

ــــــــــــــــــــــــــــــــــــــــ

تابعونا الملف القادم

( أطفال الصومال بين الجوع والتنصير )


تحياتي ... هايدي


٣٠‏/١٠‏/٢٠٠٧

المدونة محتجبة اليوم .. مع أحمد الصباغ

يوم الجرائم الأمريكية


٢٧‏/١٠‏/٢٠٠٧

حرية على الموضة

السلام عليكم ورحمة الله وبركاته
يمكن عنوان البوست غريب شوية بس اصبروا عليا
وأنا ح أفهمكم ... جاه منين ؟؟؟
ماهو كل حاجة في الدنيا دلوقتي ماشية ع الموضة
واللي مايمشيش ع الموضة والروشنة يبقى حاجة كده ف الخيابة والفلحنة
سبحان الله ... لما كنت في المدرسة كنت بقول امتى أخلص من أيامها
وأروح ع الجامعة !! ... أصلو سمعت إن الناس فيها عقلها بيكبر وتفكيرها بيوسع ..
وكنت بمني نفسي .. إني ح أخلص من تعليقات زميلاتي في الفصل والمدرسة عن ...
ايه اللي انتي لابساه ده ياهايدي ؟؟
إيه تفكيرك المقفل ده ياهايدي ؟
انتي بنت متخلفة ياهايدي .. إيه يعني لما نخرج كلنا كده جروب مع بعض !! نتمشى
ونروح أي كافيه .. ولا حتى نروح سينما
وإيه يعني لما نرجع متأخرين طالما كلنا مع بعض
يابنتي انتي كبرتي .. سيبك من موال بابي ومامي ده
وبعدين يعني ايه لزقتك المنيلة دي مع مامتك
هو لازم تروحي تدلؤيلها كل اللي عملتيه ف المدرسة ؟؟؟؟؟؟؟؟؟
يابنتي اكبري .......................
لازم تكون عندك أسرارك وحياتك الخاصة
وبعدين معقول .. بنت طويلة عريضة زيك .. معهاش موبايل ؟؟؟؟؟؟؟؟؟؟؟؟؟؟؟؟
يعني ايه مش محتاجاه ؟؟ في بنت ف الدنيا ماتحتاجش موبايل ؟؟؟
أمال الرنات والماسجات اتعملت عشان مين ؟؟
بصراحة وم الآخر كده .... انتي بنت خنيء .. خنييييييييييييء
كنت بسمع كلامهم ومن باب احترام آراء الآخرين ... في البداية
كنت بأناقشهم كتير أوي
ومرات كنت بأتطرق لأسلوب تفكيرهم في محاولات فاشلة
لفهمهم .. أو لتوضيح الأمور وإيجاد نوع من التواصل
وكل نقاش كانوا بيختموه بجملة مافيش غيرها
" يابنتي احنا ف بلد الحرية وف زمن الحرية "
وبرضو فكرت كتير أوي ... ف معنى الجملة دي وماقدرتش أربط بين الحرية وبين اللي بيقولوه أو بيعملوه
ماعلينا
المهم إني كنت بأمني نفسي إن ف الجامعة الموضوع كله ح يختلف ..
لكن للأسف نسيت موضوع مهم جداً .. إن زميلاتي ف المدرسة وف الفصل هما نفسهم أو زيهم اللي
ح يكونوا معايا ف الجامعة ..
واللي زاد الطين بلة .. موال الاختلاط مع الشباب .. وتفسير الطرفين لفكرة الاختلاط دي
بصراحة يعني .. لقيت العملية أنيل بكتير .. للأمانة ومن باب الحياد لقيت أن
الولاد حصلت لهم حالة استسلام غريبة للأمر الواقع ...
ولفكرة أن كل البنات زي بعض .. وان كله رسم ف رسم
دي بترسم الأدب ... ودي بترسم التؤل ... ودي بترسم التدين
ووووووووووووووو
المهم .. طبعاً موال التعليم والغرض من المرواح للجامعة من أصلو مفقود مفقود ياولدي
أو تقدروا تقولوا مدفون .. أو ميت ... أو قتيل ... أو محروق بجاز .... ماعلينا
وطبعاً سمعت نفس التعليقات اللي كنت بسمعها من زميلاتي
بس المرة دي من العيار التقيل ..
آخرهم تعليق عجبني أوي ... واحدة سألتني
هو انتي ياهايدي م سكان قاهرة المعز لدين الله الفاطمي ؟؟؟
يعني عايشة ف القاهرة ؟؟
وكأني بأروح الكلية راكبة جمل
!!!!!
هو انتي جيتي الكلية هنا .. منحة ؟؟
ههههه تبرع يعني من عباد الله الطيبين
وياسلام لما عرفت ان أختي بتدرس ف الـ
GUC...
كانت أكبر مفاجأة ليها وكأنها شافت المعجزة التامنة
...
وبحلئتلي شوية ... وووووو أختك خدتها منحة ؟؟؟
اصلو يعني
معقول انتو يعني .. ولامؤاخذة
بمنظرك الفلح ده .. عندكو فلوس تدخلوها هناك ؟؟
فيعني أنا ولا مؤاخذة ... ومن باب برضو الحرية اللي معلقين فيها
قلت أفهم يعني إيه منظري الفلح ؟؟؟
سألتها كده على استحياء .. خفت لاسمح الله
تتهمني بالغباء .. كمان
بصتلي من فوق لتحت كده .. لا من تحت لفوق
وقالت لي ... يابنتي ..
انتي مش شايفة انتي لابسة ازاي ؟؟؟؟
قلتلها : ازاي ؟؟؟
قالتي : في حد ابن ناس ... ف زمن الحريات والعولمة والانترنت
يلبس لبسك ده
بصراحة وإحقاقاً للحق مافهمتش ايه علاقة لبسي بالحرية والعولمة والانترنت ؟؟؟
بس برضو احقاقاً للحق ... تقدروا تقولوا عليا غبية
لأنو رغم انها تعبت نفسها وشرحتلي ... إلا إني
مازلت
مش
فاهمة
و
.
.
.
عجبي .........................
وتصبحو على خير

٢٢‏/١٠‏/٢٠٠٧

المـــــــــــــــــرأة



بسم الله الرحمن الرحيم


المـــــــــــــــرأة ..... !!!!!


دايماً نسمع ناس هنا وناس هناك يقولوا أن ( الإسلام أنصف المرأة )

وتلاقي واحد يطلع يقول ( طب إزاي ؟ )

عشان نقدر نجاوب ع السؤال ده لازم نقارن بين مكانة المرأة في اللإسلام ومكانة المرأة في المجتمعات الأخرى .. اليونانية والرومانية ، اليهودية , الفارسية ، الهندية وطبعاً بالإضافة للمرأة في الجاهلية ....

مثلاً المرأة اليونانية كانت تعتبر سلعة من السلع التجارية ، يعني قابلة للبيع والشراء وكانوا بيعتبروها رجس من عمل الشيطان !!!!! ولم يسمحوا لها إلا فقط بتسيير شئون البيت وتربية الأطفال ...

وكان الرجل في أثينا يسمح له أن يتزوج أي عدد يريده من النساء بلا قيد ولا شرط .

أما الرجل في أسبرطة فكان لا يسمح له أن يتزوج أكثر من امرأة واحدة إلا عند الضرورة أما العجيب في القصة إن المرأة الإسبرطية .....................................كان ...................... مسموح لها أن تتزوج أكثر من رجل !!!!!!!! وقد اعتادت الأكثرية من نساء أسبرطة ذلك ... وبدون شك كانت العادة دي من أقبح العادات .....


وعلى فكرة ياجماعة كان اليونان أكثر الأمم حضارة ومدنية في قديم الزمان وكانت أثينا مدينة الحكمة والفلسفة والطب والعلم وكان لها ألقاب كتيرة ... ورغم كل التقدم ده كانت المرأة اليونانية تعاني من انتشار تعدد الزوجات في العرف مش في القانون .. طبعاً وضع المرأة اليونانية زاد تعقيد لما جاه العاهل الروماني ( فالنتيان ) وأصدر أمر رسمي أجاز فيه لكل روماني أن يتزوج أكثر من امرأة إذا شاء ... وبالطبع كل اللي جاه بعده مشي على نفس النهج .. واستمر تعدد الزوجات لحد ماجاه جوستنيان ومنع التعدد وسن قوانين تمنع تعدد الزوجات ... والغريب أن الأكثرية من الرومانيين لم يبالوا بتلك القوانين ... وكانت المرأة تعامل عندهم كقاصر .. واستمر رجال الكنيسة يجيزون تعدد الزوجات حتى القرن السابع عشر ..


نيجي للمرأة اليهودية .. كان البعض يعدونها في منزلة الخادم ، وكان مسموح للأب يبيع بنته الصغيرة ويتسلم تمنها ، وماكانش مسموح لها إنها ترث أبيها إلا في حالة إذا كانت بنته الوحيدة أو مات عنها باقي إخواتها ...

أما المرأة الفارسية ... كان حقها مهضوم ، مجهولة القدر ، مظلومة وكان ينظر لها نظرة احتقار


والمرأة الهندية ... كان لاحق لها في الحياة بعد موت زوجها إذا توفى زوجها فكانوا بيحرقوها وهي حية مع جثة زوجها ....

المرأة في الجاهلية ... كانت تعد جزء من تروة أبيها أو زوجها وكان ابن الرجل يرث أرملة أبيه بعد وفاته ، وقد يبيعها لأحدهم ويتسلم مهرها أو يتزوجها هو دون مهر أو يحرم عليها أن تتزوج ويرثها بعد موتها ...


وبعد أن أصاب المرأة ما أصابها من الظلم والبغي والاستعباد .. جاء الإسلام فأنصفها كل الإنصاف وأزال عنها مالحقها من ظلم وحررها من العبودية ، وعاملها معاملة كلها إنسانية ورفع مكانتها وأعلى منزلتها وأعطاها حقوقها كاملة لانقص فيها ..

ولن أطيل عليكم في ذلك ... حيث أن الموضوع له فروع وتشعبات أخرى كثيرة ...


حتى نلتقي .. أترككم في رعاية الله


تصبحوا على خير ...

ألبوم الصور 1






٢٠‏/١٠‏/٢٠٠٧

الأمـــــــــــل





السلام عليكم ورحمة الله وبركاته

كيف أحوالكم جميعاً .. عساكم بألف خير

فكرت كتير أوي .. أفتتح البلوج بتاعي بأي بوست ؟ بسرعة جاه على بالي عنوان جميل دايماً بسمعوا وبشوفوا كتير أوي على صفحات المجلات والكتب والجرايد ... حتى على ظهر الميكروباسات وعربيات النقل .. أأقولكم حتى على الحيطان في الشوارع وع الأسوار في المدارس ...

بشوف العنوان ده محطوط ف برواز جميل ضمن عبارة فيها شوية كلمات أجمل منو ، ورنانة أكتر منه ... لكن علشان هو بيتكتب كتير أوي ... فكرت أسأل نفسي وأسألكم يعني إيه


الأمل ؟؟؟؟
I

هل هو كلمة حلوة من تلات حروف ... لما تقولها تكبر ف نظر الناس ويقولوا عليك الله .... شوفوا إزاي الراجل ده عنده أماني كتير شايلها لبكره ؟

ولا هو حالياً نظراً للظروف الحياتية الراهنة ... المصرية والعربية والاسلامية أصبح يمثل خطأ إملائي شائع لكلمة من نفس التلات حروف برضو ؟؟؟


ولا ياترى يا هل ترى .... هو حاجة عاملة زي ماء الحياة ... مهم جدا جدا عشان نعيش لكن بس لو كنا عايشين في الحواديت ..!!


المهم أنا شخصياً بفضل أفكر فيه على أنه هبة وعطية من رب العالمين .. أد مابيقابلنا حزن وألم أد ماإحنا محتاجين للأمل ... ومافيش أحلى من كلام ربنا أسيبكم معاه


ده بس اللي يخليكم تستنوا بكره .....


تصبحوا على خير

( قَالَ وَمَن يَقْنَطُ مِن رَّحْمَةِ رَبِّهِ إِلاَّ الضَّآلُّونَ)