ذات حقب
قبل ولادة النهر
تساقط القطر من عيني السماء
ممهور بآيات الحياة
فترنحت الفيافي سكرى
ترشف الشهد المعتق .. من كؤوس الندى
وامتدت أصابع الخصب
تسبر أغوار الكينونة البكر
وتصوغ حلة للجمال ... ربما بطول الأزل
تصدح السنونوات مغردة
وهي تؤوب إلى أعشاشها مختالة متمايلة
والشمس ترسل تمائم الضوء
تكسو طلاسمها الذهب .. متون التلال
هاهو قطار النهر .. ينحدر
من قمم الدهشة
عازفاً لحن الخرير الثمل
وحيداً .. نشواناً يحتضن القطر
القطر ... الساقط من عيني السماء
ــــــــــــــــ
ـــــــــ
ـــــ
بقلم .. هايدي
هناك ٣٨ تعليقًا:
شديد جو السنوناوات ده
ع العموم عجبنى جدا انتقاءك للصور
واللغه العربيه بتاعتك جميله قوى برده
هو فى بعض الهنات بس هنعديها
يعنى ايه ممهور دى
عجبنى جدا لفظ
يسبر اغوار الكينونه البكر
والقصيده كلها هايله ومكتوبه باحساسا رومانسى حل
لسه هاخد جوله فى مدونتك ولى عوده
سلاموو
الله عليكي يا هايدي
تسلم ايدكي واحاسيسك
تعرفي فكرتيني بالآية اللي في سورة النمل
"أمن خلق السموات والأرض وأنزل من السماء ماء فأنبتنا به حدائق ذات بهجة .. ما كان لكم ان تنبتوا شجرها .. ءإله مع الله؟ )
ربنا يبارك فيكي يارب
أحمد
عزيزتى
لن يكون النهر وحده
فتساقط القطر من عينى السماء
وشعاع الضوء من قلب الشمس
تجعل احضانه راقصة
لن تجعلها وحيده ويائسه
تحيانى يا جميل
سلااااااام
السلام عليكم ورحمة الله وبركاته
ابداااااااااااااااع
وفقك الله
والى الامام دوما تسعدينا على نغمات أنشودة الحياه
والسلام عليكم ورحمة الله وبركاته
ايه يا جميل المواهب دي بس
بجد جميله اوي
لغه عربيه تمام و تصوير بديع و اسلوب هايل
بحيكي اوي يا هايدي علي الجمال ده ان شاء الله دايما مبدعه
جميل اوى الصوره اللى انتى رسمتيها لينا
عازفاً لحن الخرير الثمل
وحيداً .. نشواناً يحتضن القطر
عارفه بجد انا فكرت فى معانى كتير للجزء ده
بس كل معنى بيدل انك متميزه
تحياتى
وحيداً .. نشواناً يحتضن القطر
القطر ... الساقط من عيني السماء
رائعة دائما
ورقيقة هى كتاباتك ومليئة بروح نورانية عجيبة
تحياتى لكى
مكنش اعرف انك بترسمي حلو بس طلعتي فنانه بالكلمات والاحساس كمان يا هايدي
تحياتي يا جميله
انا مش عارف اصنف اللى مكتوب
وان كانت الجمل ذاتالطابع السردى افضل
هايدى انتى فين
وفين الجديد
وفين زياراتك لينا
انتي فين يا جميله يارب تكوني بخير
sagittarus
السلام عليكم ورحمة الله وبركاته
أولاً أسفة جدا انو اتأخرت في الرد كان عندي امتحانات ..
ثانيا متشكرة جدا لزيارتك الجميلة للبلوج بتاعي ولتعليقك الجميل ده ..
وطبعا مبسوطه أكتر بالنقد لانه ده اهتمام أشكرك جزيلاً عليه .. بالنسبة للهنات .. جل من لا يسهو .. طبيعي جدا انو يكون في هناك لان اللي بكتبو مجرد محاولات وخواطر مش أكتر ...
ممهور دي اسم مفعول للفعل مهر .. يمهر يعني يعطي مهر
نيجي لحاجة أهم ... اللي كاتباه صعب جدا انك تصنفه تحت أي جنس أدبي عدا الخاطرة .. لأنه لا هو قصيدة لان القصائد ليها سمات معينة لازم تتوفر فيها حتى لو كانت منتمية للمدرسة الحديثة ( الشعر الحر ) يعني .. نقول خاطرة عشان ماحدش يزعل مننا ويحدفنا بالطوب ..
بس بجد انا فعلا مبسوطة جدا بزيارتك وملاحظاتك القيمة وإن شاء الله تكون زيارات دائمة لتبادل الآراء والخبرات
تحياتي ليك وربنا يكرمك
هايدي
بابا أحمد .. السلام عليكم ورحمة الله وبركاته .. ياااااااااه على تعليقك الجميل أوي أوي .. واللي فرحني أوي .. عارف ليه لأن والله وخالق الكون أنا كتبت الخاطرة دي بعد ماكنت بفكر في خلق الرحمن وخاصة الآية الكريمة دي تحديدا .. لما شفت تعليقك والله اني اتذهلت للوهلة .. لكن رجعت قلت سبحان الله اللي بيخرج من القلب بصدق لازم يوصل لمقصوده ومرامه .. ربنا يخليك ويكرمك يارب .. ودايما تسعدنا بتواجدك وبتعليقاتك الجميلة دي ..
فعلا تعليقاتك بتخليني أحس أن كتبت شيء كويس ! صح !
بحس كأن باباي بيقرالي اللي بكتبوا وبيقول تعليقو ..
ح تستغرب لو تعرف انو ساعة ماقريت لبابا الخاطرة دي علق نفس تعليقك .. وقالي كأنك استوحيتي اللي كتبتيه من آيات الله في خلق الكون ..
بابا أحمد واسمحلي بعد اذنك انه ااولك كده لانه فعلا حسيت انك فعلا زي بابا تمام واني بنتك .. ربنا يكرمك ويرزقك ويرزقنا الاحسان .. آمين
بنتك هايدي
هايدي من فضلك زوري البوست الجديد وسامحيني عليه
احساس لسه حي .. السلام عليكم ورحمة الله وبركاته
اهلا وسهلا بيك ومتشكرة جدا لزيارتك ولتعليقك .. وربنا يبارك فيك يارب
تحياتي ليك .. هايدي
السلام عليكم ورحمة الله وبركاته
صديقتي الغالية مؤمنة
أهلا بيكي ياحبيبة .. وربنا مايحرمني من وجودك دايما وتعليقاتك المحببة لقلبي
فعلا بحس براحة لما بلقى اسمك ف التعليقات .. ربنا يخليكي ليا يارب
جزاك الله كل خير .. هايدي
السلام عليكم ورحمة الله وبركاته
ايمي .. اهلا اهلا اهلا بيكي
نورتيني .. تعرفي انا بحس ان احنا
اصحاب اوي اوي .. ربنا يخليكي ليا
متشكرة أوي على كلماتك الرقيقة دي وعلى تشجيعك الجميل ده ..
جزاكي الله كل خير عني وربنا يوفقك دايما هايدي
سامو
السلام عليكم ورحمة الله وبركاته
متشكرة اوي على تعليقك الجميل و التميز هو تواجدكم جميعا معي وكلماتكم وملاحظاتكم اللي بتدفعني للأمام .. أشكرك جزيلا تحياتي ليك .. هايدي
أستاذ أحمد الصباغ
السلام عليكم ورحمة الله وبركاته
أهلا بيك أستاذي وربنا يكرمك يارب .. مش ناسية انك أول واحد زرت البلوج بتاعي وشجعتني ع الكتابة فيه
ويارب دايما يعجبك اللي بكتبه فيه .. في انتظارك دائما
جزاك الله خيرا وتحياتي ليك
هايدي
كوكا الجميلة
السلام عليكم ورحمة الله وبركاته
تحياتي لروحك الجميلة .. لانو اللي عندو روح جميلة بيشوف كل شيء جميل ادامه
ربنا يخليكي ليا يارب ودايما نتلاقى ع الخير
أشكرك جزيلا .. هايدي
حقي اهرتل
السلام عليكم ورحمة الله وبركاته
أهلا وسهلا بيك دايما .. وسعيدة جدا بتعليقك .. واجابة على تساؤلك انا صنفتو ف البداية وف الفهرس بتاع الموضوعات على انه خاطرة ..
انا ماقلتش انه منتمي لجنس أدبي غير حقيقتو ومالبستوش توب مش بتاعو انا طبعا لا أجرؤ انه احكي انه منتمي للشعر ولا انه سرد ولا انه قص
كمان طبعا انا بحترم جدا رأيك وميلك للسرد لكن .. السرد له اصوله وسمات مميزة ليه
لو حبيت اكتب بيه لازم الاول اتقنه كويس ..
حقي اهرتل .. انت نورت البوست وسعيدة جدا بملاحظاتك ودايما يسعدني اسمع كل كلمة نقد
تحياتي ليك .. هايدي
استاذ احمد الصباغ .. الله يكرمك ومايحرمناش من سؤالك الدائم عن الجميع ..
الحاصل اني كنت مزنوقة ف امتحانات الميد تيرم وبحثين شداد اوي ..
اعتذر عن تغيبي .. وان شاء الله اعوض عن الغياب اللي فات
وتحياتي ليك ويارب تكون بالف خير
هايدي
كوكا حبيبة قلبي .. ربنا يكرمك يارب ومايحرمني من سؤالك عني .. والله ياحبيبتي كنت ف غرفة التعذيب .. اصدي كنت بذاكر عشان الامتحانات
لكن خلاص انا موجودة وتمام وح اسجل حضور على طول ان شاء الله
تحياتي لنقاء قلبك وربنا يخليكي ليا
هايدي
عمو أحمد ( يوميات عيل مصري ) .. السلام عليكم ورحمة الله وبركاته
زرت البوست الجديد بتاعك .. والله والله انو بكيت بكاء مااظنش انو بكيتو من فترة طويلة
ياااااااااه ياعمو ربنا يرحم والدك رحمة واسعة ويسكنه فردوسه الأعلى ..
بجد اتمنى الكل يزور البوست بتاعك .. لانه ح يلقى اروع المعاني مطروحة بمنتهى صدق الطفولة ..
ربنا يجعلك عمل صالح ونعم الابن البار انت ياعمو احمد
تحياتي ليك
كنت فاكرك بنت كبيرة من كم الاحساس اللى باين فى كلامك
استغربت انك بنوتة صغيرة
ابدعتى والله يا هايدى
أستاذ حسام
أهلا وسهلا بيك في زيارتك الأولى للبلوج بتاعي ويارب تكون زيارات دايمة
وأشكرك جزيلا على تعليقك .. اعزك الله واكرمك ..
تحياتي ليك وف انتظار زياراتك للبلوج
هايدي
السلام عليكم ورحمة الله وبركاته
أولا
جزاكى الله كل خير على هذا اللقب الغالى بصديقه أدعو الله أن أكون عند حسن الظن
ثانيا أين الجديد بخلانه علينا ليه
منتظرين الجديد
والسلام عليكم ورحمة الله وبركاته
هايدى ازيك عاملة ايه
ايه يابنتى الحاجات الحلوة دى
ماكنتش اعرف انك بتكتبى بالجمال ده
فنانة بالالوان وبالكلمات كمان
ربنا يوفقك ياهايدى
صديقتك سالى
ايوة ياهايدى ايه الجمال ده
طبعا فنانة بطبعك يادودو
بجد ياهايدى انا فرحانة اوى اننا اصحاب
وبدعي ربنا نفضل كده على طول .. قولي آمين
انا زرت البلوج بتاعك ياهايدى وعجبنى اوى
يجنن ياهايدى وزعلانة اني ماجيتش من زمان
بتكتبى حلو خالص وحاسة انو حيكون لك مستقبل حلو فى الكتابة
ربنا يوفقك ياجميل
الصديقة الحبيبة مؤمنة
السلام عليكم ورحمة الله وبركاته
أعزك الله وأكرمك أختي و حبيبتي في الله ..
ان شاء الله انا جهزت بوست جديد .. ح انزله يمكن انهارده بالليل او بكرة
وح استنى رأيك فيه .. طبعا
ربنا يكرمك ويسعد ايامك
اختك هايدي
سالي .. اهلا بيكي ومنوراني
ربنا يخليكي ليا ومتشكرة اوي على كلامك الجميل ده .. يارب دايما يعجبك اللي بكتبه
تحياتي ليكي .. هايدي
منة الله .. اهلا وسهلا بيك ياصديقتي العزيزة .. ربنا يكرمك ويخليكي ليا يارب ..
ويارب مااتحرم من زيارتك الجميلة .. ويلا شدي حيلك واعملي بلوج احلى كمان من ده
انا عارفة انك تقدري بس انتي كسلانة ..
ح استنى دعوتك ليا لزيارة البلوج بتاعك .. ماشي ؟؟
تحياتي ليكي ونورتيني ياامورتي .. هايدي
انا مش عارفة مين تحديدا اللي كاتب التعليق الاخير .. لكن بقولك أهلا ومرحبا بزيارة الجميع وبشكر كل مين يدخل البلوج بتاعي ويبذل جهد القراءة او وضع تعليق ..
اشكرك جزيلا وجزاك الله كل خير
تحياتي هايدي
لا بجد الله ينور
كلمات جزله
ومعاني مترابطه
وصياغه جميله
تعرفي اللي ناقص بس
طريقة الكتابه في البلوج
ممكن تعيشنا معاها قوي
تحياتي للبوست الجميل
ودمت بخير
دكتور حر .. اهلا وسهلا بيك .. نورت مدونتي ومتشكرة جدا على تعليقك الجميل .. بالنسبة للطريقة ترتيب الكتابة ف البلوج .. عندك حق انا بتعب اوي لما بأجي ارتبها .. وبرضو بتطلع مش حلوة خالص ..
عموما انا ح احاول اجرب لحد مايمشي الحال .. ومتشكرة اوي على ملاحظتك ...
وبالطبع أهلا وسهلا بيك دايما ف البلوج .. جزاك الله كل خير
تحياتي ليك .. هايدي
باستثناء آخر جملتين فالكلام مش عاجبني
بهزر طبعا
الكلام جميل بس يريت ننزل شوية باللغه علشان نفهم وبعدين في حقب ديه بكرهها أوي يعني
بس ما شاء الله
ربنا يبارك وتستغليه ف الخير
استاذ محمد اهلا وسهلا بيك في مدونتي متشكرة جدا لزيارتك وتعليقك والناقد والفعال .. بس اسمحلي انا مش عارفة اصدك ايه انو ننزل باللغة شوية .. اما عن كونك تحب لفظ اولا لا فده طبعا رأي انا بحترمه . وطبعا يسعدني حضرتك تكتب رأيك هنا وبمنتهى الحرية واهلا وسهلا بيك دايما .. وف انتظار مرورك الدائم .. تحياتي هايدي
إرسال تعليق